تتمة قصة : بنات الليل 3

 

البارت 6 : غيدوز عندها لدار هو و صاحبو إوا مشات فيقات البنات حيت ولفو الشراب و السهير مابقاوش كيفيقو بكري ناضو دوشو و مشاو لصالون بالزربة صايبو شعرهم و دارو ماكياج خفيف و لبسو و تقادو و هبطو لصالون ... صونا عليها قال ليها حلي أنا حدا الباب غير ناضت فاتي باش تحل .. وكتبان ليك مريم و زينب ولاو حمرين و قلبهم كيضرب و الجسد ديالهم فشل عليهم ... دخل فواز و زكي .. غير شافوهم و هما يبداو ماشاء الله ما شاء الله شو هالجمال إنتي يا فاتي ما في منك دوقك و إختيارك بيجننو ... قالو لبنات عرفونا عليكم المهم بقاو كيتعرفو و يدويو و يضحكو ناضت فاتي مشات توجد الغدا باش ترحب بضيافها و عيطات على مريم عطاتها قرعة ديال الويسكي و قالت ليها نتي و زينب ما تشربوش .. داكشي لي دارت مريم بدات كتسقي ليهم و حطات القطعة و اﻷلاعيب و نساجمو فواز هو لي كيهضر بزاف أما أحمد ﻷ قليل غير إلى كانت الهدرة موجهة ليه المهم فاتي وجدت لغدا و تغداو و هو يقول ليها راح روح عالسيارة و أرجع مشا فواز و دخل هاز واحد البوشيطة كبيرة فإيدو و هو يبدا يجبد فالفلوس عطا ل مريم 7 الملاين و زينب حتى هي 7 الملاين و فاتي عطاها 4 الملاين و هو يقول ليها أنا عارف إنك كنتي راح تطلبي أقل بس قدام هالجمال أنا مستعد أدفع أكثر و أكثر شكراتو فاتي و هو يقول ليها أنا راح أخد البنات من دبا و راح يجلسو عندي 3 أيام و يالاه بغات تقاطعو فاتي و هو يقول ليها كلشي بثمنو ... ناضو البنات جمعو حويجاتهم و مريم قالت ل زينب هزي لفلوس ماتخليهمش هنا و هي تقول ليها علاش راه غير 3 أيام و غنرجعو قالت ليها شكون قال ليك غنرجعو غير تبعيني و سكتي جمعو حوايجهم و هبطو سلمو على فاتي من بعد مشاو لوتيل لي باركين فيه دوك السواعدا و شدو ليهم شومبر بوحدهم .. إوا وصل الليل و هي تجي دق عليهم..

: مريم:فواز ممكن تنفد لي طلب
فواز:من عيوني
مريم :ممكن نضل أنا وزينب كمان يومين
فواز:بس هيك أوكي أنا موافق
وصلات العشية فواز و أحمد وجدو ريوسهم و عطاوهم 5 الملاين قالو ليهم خودو 4 و عطيو لمدام فاتي مليون و سلمو عليهم و مشاو و ديك الساعة مريم و زينب جمعو حويجهم و خرجو من لوتيل مشاو لواحد أخر حيت عارفين مدام فاتي غتجي تقلب عليهم و طفاو تليفونات ديالهم ... باتو ديك الليلة و صبح الصباح ناضت زينب و طلبات الفطور و فيقات مريم و هما جالسين تيفطرو ...
مريم:دبا شحال عندنا
زينب:19 مليون
مريم:شوفي غندفعو فدار 17 مليون و لفلوس لوخرين غنديبانيو بيهم
زينب:صافي مشات لي درتيها أنا معاك
مريم :يالاه وا نوضي دبا لبسي خلينا نمشيو نقادو أمورنا ... خرجو البنات شدو طاكسي بداو كيسولو فيه على البيع ديال الديور و هو يقول ليهم على هدوك ديال الضحى داهم دخلو عند لي مكلف و تافقو معاه و طلع بدا كيوريهم فديور لي خاوييين و عجبتهم واحد الدار و ت افقو معاه ملي يقادو أمورهم غيرجعو باش يكملو اﻹجرائات (حيث مول التاكسي قال ليهم نتوما عندكم غير 17 يعني ماغتجيبش ليكم دار خاصكم تمشيو البنك و تاخدو التيتر ديال الدار و تديوه لبنك و هما غيخلصو ليكم و تبداو تخلصو التريتة لبنك ... ) المهم دازت يومين قادو مسائلهم وقف معاهم مول التاكسي من بعد أيام دخلو لدارهم بلا فراش بلا والو ...
مريم:زينب وا حزمي معايا راسك دبا و نوضي نمشيو لصالون باش نخرجو فليل نضبرو على ريوسنا صافي دبا راه ماكاين لي غيعطينا حتا درهم إلى ماجبناها
زينب:الله يدير شي تاويل هدشي ماكناش ضاربين ليه حساب و شرافنا لي عليه العمدة راه مشا .... مشاو البنات لصالون و تقادو و طلعو لبسو حويجهم و مشاو لواحد البوات دخلو حطو سطيلة ديال البيرا و ريحو و قاع الفاسدات..

البارت 9 : و قاع الفاسدات كيخنزرو فيهم حيث تبارك الله عليهم أية فلجمال و كل فاسدة شادا الكليان لا يهرب و يمشي عندهم ... و مريم و زينب كيضحكو عليهم ... دازت شي ساعة و هو يجي واحد الكليان و دوموندا ليهم الويسكي و ريح معاهم و مريم و زينب كايشوفو فالفاسدات أش كيديرو و كيديرو فحالهم ... مهم بقاو كيدلعو على الكليان و هو يقول لزينب يالاه نمشيو قالت ليه نمشي أنا وصاحبتي قال ليها مرحبا مشاو دوزو معاه ليل لاح ليهم 1000 درهم مشاو شراو ناموسية ... و بقاو على هدا الحال كيخرجو يضبرو على ريوسهم و كيشريو اﻷثاث ديال الدار ليحتى كملو 24 عام .. إوا دبا عاد غتبدا قصتهم ..(نكمل ليكم ملي مشاو لحمام)...
مريم:سربي أ صاحبتي راه بوركابي كيصوني
زينب:على ماغتمشبيش معايا لقصارة
مريم:ﻷ أصاحبتي هدوك كيجيوني تقال على خاطري اللهم بوركابي ديالي كيعطيني لي بغيت و حتى إلى قاسني كنحس براسي فعالم خر ماشي فحال إلى خرجت نضبر
زينب:إوا نتي تعرفي ... مشاو لبنات لدار لبسو وتقادو و خرجو شدو تاكسي واحد حيت مريم غتنزل فطريق و زينب غتكمل ... طلعات مريم عند صاحبها لي سميتو يونس و عايش فحي راقي و باه لباس عليه غني عن التعريف و كيموت على مريم
يونس:مالك على هدا التعطيلة من صباح و أنا كنصوني
مريم:حبي راه غير الحمام كان عامر و راك عارف الطريق و التاكسي مايوقف حتى تشحف
يونس:ماشي مشكيل هادي دازت و لكن خطرة خرا راه غتلقايني واقف ليك حدا باب الدار
مريم : واصافي أحبي (باستو فخدو ) نتا راك عارفين كنموت عليك حيد منك الشك ... وجبدات شراب و هو مشا يدموندي باش يتعشاو ... ندوزو دبا عند زينب
زينب: الله يدوز هدا الليلة على خير .. صونات فالفيلا لي كانت الموسيقى فيها مجهدا خرجات الخدامة حلات ليها دخلت لقات الفيلا مشقلبة ببنادم و غير الشخصيات...

البارت 10 : دخلت لقات غير الشخصيات و الناس المهمين و خا كانت سهرة ديال الزهو ولكن ضروري ماكيدويو فاﻷعمال و المشاريع ... استقرت فواحد طابلة و الناس كاملة كانت كتشوف فيها من بعد جا مول الحفلة سلم على ضيافو و هو يجي عندها ... بقا تيهدر معاها و هو يقول ليها هداك اﻹماراتي لي كتشوفي فيه راه عجبتيه و بغا يديك دبا معاه و هي تقول ليه ولكن أنا جايا عندك نتا .. وهو يقول ليها هو حسن مني و غيضبر عليك مزيان و زيدون راه مايمكنش ليا نقول ليه ﻷ ... بلا مايزيد معاها الهدرة شدها من إيدها وداها عندو عرفهم على بعضياتهم و مشات معاه .. وصلو لفيلا ديال داك اﻹماراتي دخلو بركو فالجردة كيشربو و يدويو و يضحكو من بعد عيط على الخدامة قال ليها وجدي لبيت لزينب مشات الخدامة توجد البيت
زينب:كيفاش وجدي لبيت مافهمتش
عبد الله: إسمعي يا حلوة أنا ماجبتك من شان أعمل شي أنا جبتك من شان نشرب كأس و نستانس مع بعض ما بدي شي منك
زينب:بس أنا ... وهو يقاطعها
عبد الله: فلوسك راح تاخديهم
زينب فخاطرها ( الله على راحة أنا نيت عيانة مافيا لي يدير شي حاجة ) و هزات راسها كتشوف فالفيلا كيدايرا و كتقول (فينك أ مريم تعالي تشوفي الناس فين عايشين) ...صبح الصباح نهار جديد و أحداث جديدة...

البارت 11 : وصل الصباح فاقت زينب هبطات لقات الخدامة كتوجد الفطور سولتها على عبد الله و هي تقول ليها هاهوا غيهبط دبا من بعد ماهبط عبد الله صبحو على بعضياتهم و بداو تيهدرو
عبد الله: كلميني عن حالك يا زنوبة البارح ما حكييتيلي عن حياتك الشخصية
زينب:شنو بدك تعرف
عبد الله:كل شي ... بدات زينب كاتعاود ليه و كتبكي على ماداز عليها و كتبكي على وليديها لي خلاتهم ضحكة فالدوار لي شحال من عام ماشافتهم و لا سمعات صوتهم ... ناض عندها عبد الله عنقها و كيسكت فيها
عبد الله: و الله أنا أول مادخلتي الحفلة حسيت إنو فيك شي مختلف مابعرف ليش لفتي انتباهي بس حسيت إنك حزينة كتير .... خلاص بيكفي بكاء اتصلي على صديقتك و خليها تجي أتعرف عليها ... عيطات ليها و قالت ليها أش كاين و عطاتها العنوان جات مريم رحب بيها تغداو مع بعضياتهم و البنات ناضو مشاو فحالاتهم على أساس فالليل غايتشاوفو يخرجو يسهرو مع بعضياتهم ملي وصل الليل تقادو البنات و داز عليهم عبد الله و مشاو يتعشاو و يسهرو من بعد مشاو لفيلا باتو عند عبد الله وصل الصباح تجمعو على طابلة الفطور
عبد الله: شنو رايكم تروحون معي عاﻹمارات ... زينب و مريم فنفس الوقت عنجد
عبد الله:إيييه و ماراح ينقسكم أي خير .. البنات وافقو وغيطيرو بالفرحة ولكن هنا عاد غتبدا القصة غتقلب حياتهم 180 درجة

البارت 12 : قاد ليهم الباسبورات و الوراق و داك التخربيق ديال السفر و سافرو معاه زينب غير قلعت الطيارة بدات كتحس بقلبها تزير عليها أما مريم ملي ركبت و هي كتبكي حيت مشات بلا ما قالتها ليونس و سمحات فحب حياتها على ود باش ماتفرقش مع صاحبتها وصلو ﻹمارات تلاقات ليهم واحد السيارة كيدايرا طيح الزرزور من فوق السور ركبو و مشاو دخلو لفيلا .. تي أش من فيلا قولو قصر دخلو و مريم و زينب بطبيعت الحال ماكاينينش فهدا العلام حيت هدشي ماعمرهم ماشافوه حتى فاﻷحلام دخلو قال لخدامات وريهم جناحهم كل وحدة و الجناح ديالها
مريم:ناري ياختي هدا غير بيت وا قد الدوار
زينب:هدشي بزاف قرصيني راني كنحلم واقيلا
مريم:يا ربي إلى كنا كنحلمو غير خلينا ناعسين هههههه وهما يقلبوها ضحك دخلو دوشو و مشاو نعسو حتا جات الخدامة فيقتهم لبسو و هبطو يتعشاو لقاو عبدالله جالس هو و جوج ديال الرجال غير شافوهم وقفو ورحبو بيهم و عرفهم على بعضياتهم .... كان محمد أخو عبد الله و فيصل شريكهم تعشاو من بعد ريحو تيشربو كويسات سالاو تفرق المجمع و البنات طلعو ينعسو صبح الصباح نهار جديد و أحداث جديد

البارت 13 : ملي فاقو لقاو عبد الله مريح فالصالة كيتسناهم باش يخرجو يفطرو بكري حيت هدشي علاش تافقو فاش كانو مريحين فالليل خرجو فطرو و مشاو لمول تقداو كلشي قاع دكشي لي كانو كيحلمو بيه و لي كانو ماكيحلموش بيه حتى من الدهب خداه ليهم من بعد مشاو تغداو و هما كيتغداو ...
عبد الله:زينب ممكن نسهر أنا و إنتي اليوم مع بعض
زينب شافت فمريم ... مريم و هي ضحك فهمات و هي تغمز زينب باش توافق
زينب:واخا ماشي مشكيل
وصل الليل مريم بدات كاتعاون زينب فاللبس و كدير ليها الماكياج
زينب: خاطري مقبوط عليا والله و مافيا لي يخرج
مريم:تي مالك مالك أول مرة غتخرجي مع شي راجل براكا من البهلان
زينب:الله يخرج هدا الليلة على خير
مريم:أمين ... خرجات زينب و مريم طلعات شدات التليفون كتلعب فيه من بعد مشات كتسارا فالقصر كدخل من بيت لبيت حتى وصلات لطابق لتحتاني دخلات لواحد البيت كيخرج لواحد الدروج كيهبطو لتحت ضوات بالتليفون و تمات هابطة و هي تلقى ..؟؟؟ نمشيو نشوفو زينب أش كدير و نرجع نقول ليكم أش لقات مريم
عبد الله: إنتي يا زينب جمالك ما في مثلو
زينب حشمت زعما و هبطت راسها اﻷرض و هو يجبد واحد الخاتم و عطاه ليها كادو خاتم فاﻷحمر واعر مرصع باﻷلماس هي بطبيعت لحال جاتها دوخة هههه حيت هدشي بزاف عليها ملي سلاو العشاء قالت ليه نمشي الحمام و نجي ملي مشات هو طلب الويسكي على ماتجي كب ليها كأس من بعد جات ريحت
عبد الله:تفضلي حبيبتي هالكأس
زينب:مشكور ... شرباتو و زادها الثاني و التالث و هي تقول ليه ماغاديش تشرب قال ليها ﻷ معدتي داراني قالت ليه حتى أنا براكا عليا حسيت براسي سكرت قال ليها إلي تبين
زينب:عبد الله جاتني الدوخة ماعرفتش مالي
عبدالله:يمكن من الشرب
زينب مايمكنش أنا يالاه شربت 3 الكيسان هد هد هدشي ف ف ف فشيشكل(بدات كتغيب

تتمة قصة : بنات الليل4