كيكة رائعة بالشكلاط
من عند الأخت مريم
كيكة رائعة بالشكلاط
من عند الأخت مريم
الله يعطيها الصحة
كيكة بالشكلاط
المقادير
كاس ونصف ماء + كاس
و نصف زيت +
كاس و نصف سكر + 6 بيضات + 3 خميرة الحلوى +
4-5 ملاعق كبيرة كاكاو+ 1 كيس سكر فانيليا
دقيق
الطريقة
في مولينيكس نضع الماء و الزيت والسكر و سكر فاني
و 4-5 ملاعق كبيرة كاكاو و نخلطوهوم مزيان
من بعد نأخد من هاد الخليط ربع كاس و نخليه على جنب
و نزيد البيض على الخليط الباقي ونخليهوم اطربو مزيان
من بعد نضيف الدقيق و الخميرة و نخلطهوم مزيان و نصبهوم فالمول من بعد ما
دهناه و رشيناه بالدقيق
انا هنا استعملت كاميلا لي كنطيبو فيها هههه
حيت بغيتها تكون طالعة بزاف و حتى لمقادير زايدين
اما بالنسبة للمول عادي يمكن تستعملي
غير 4بيضات كاس زيت،ماء،سنيدة
نوجدوا السيرو
3معالق سنيدة ، ماء ، قليل من القهوة سريعة الدوبان
ونخليوهوم ايطيبو كيف نخرجو الكيك نتقبوه و نسقيوه بالسيرو
طريقة التزيين
كتبقى اختيارية من بعد ما تبرد الكيك
يمكن تاخدي داك ربع كاس لي عزلتي من لخليط
وتزيدي عليه دانيت وتخلطيهم
وتدهني الكيك و ديري الفيرميسيل من الفوق
انا فهاد الكيك حيت كانوا الضياف من بعد ماسقيت الكيك
وبردات دهنتها بهاداك الخليط
لي خديت فالاول و قاديت كلاصاج ديال الشكلاط
في الكلاصاج
اوراق الجيلاتبن و الماء و السنيدة و كيس فاني
كاكاو و شكلاط
في كاسرولة عملت اوراق الجيلاتين مع الماء
و وضعتهوم فوق النار
و حركتهم ضفت ليهم كاكاو و شكلاط
و حركتهوم مزيان حتى داب الشكلاط
و زولتهوم من فوق النار وخليت الخليط حتى برد شوية
و خويتو على الكيك و درت الفيرمسيل
و كان بقالي شوية الكريم شانتييه خلطتو مع
الكاكاو ودرتو في الجوانب
من الاحسن تبات في التلاجة كتصبح زوييينة وبنييينة
أكتر من ايلا صيبتيها وكليتيها في نفس اليوم
بالصحة والراحة
مريم
