قصة: ‫#‏احببت_مغتصبي

   احببت مغتصبي

 
ها واحد السلام عليك ابا حمد اش خبارك لباس عليك . با احمد: اهلا بنتي مريم . لباس الحمد لله او نت ؟ 
مريم : لباس بارك الله اوفيك 
با احمد: اش حب الخاطر ؟ 
مريم : عافك ابا حمد جمع ليا الحساب اللي عندي في العشية ان شاء الله انجي نخلصك . با احمد : واخا ابنتي شوفي الا معندكش الفلوس خليهم حتى وكان اوجدو ماتزيريش راسك .
مريم : لا لا ابا حمد مرخوفة الحمد لله غير جمع ليا الحساب ان شاء الله في العشية نخلصك . باحمد : واخا ابنتي هي الاولة . 
مشات مريم كملات طريقها للخدمتها اللي هي عبارة على سرباية في ريسطو . باش نعرفكم بي الشخصية اكتر . مريم بنت مقبولة شكرا بيضة شعرها كحل واصل عند كتافها حروفها كحلين غليظة شي شوية او طويلة . مريم بنت يتيمة الاب . مات باباها او هي عندها16 سنة الشي اللي خلا ام مريم تخرج تقلب على خدمة باش تلقى نا توكل ولادها . حيت اب مريم ماكانش خدام في شي خدمة زوينة . ام مريم كانت خياطة تتخيط في المعمل او تتخيط في الدار بصحاب الحومة الي بغات جلابة . قميجة .... هدشي كلو باش تقدر تكبر ولدها هشام اللي في عمرو 4 سنين او او ختو اللي هي مريم . مرين اللي هزات الهم او هي صغيرة ملي دارت مريم 18 سنة هدك الساعة كانت شدات الباك ديالها او غديا دخل لسونطر باش تكمل واخا هي كانت تتمنى تكمل في الكلية الا ان ظروف المادية هي اللي خلاتها تختار سونطر . الكلية لابغات تكمل فيها تي خصها ميزانية ديال طرونسبور او عادا الماكلة هي لافاك بعيدة عليها . مهم بدات مريم في العام الاول ديالها في السونطر او بيما انه تي بقى ليها الوقت خاوي فهي قرر

2* فهي قررات انها تقلب على خدمة اللي تقدر تعاون بيها مها او تيت باش تلقى باش تكسا . فعلا مريم مخلاات فين قلبات رجليها طابو . حتى واحد النهار او هي مكونيكطا حتى هضر معها نبيل . اللي هو صديق الفيس تتهضر معاه بعد المراة بعدما سولها على الاحوال او القرايا . هي قالت ليه راني عيت او رجلي طابو غير بي دوران كاع البيبان دقيتهم او والو ماكينش اللي حرك شي ساكن . نبيل: علاش مالكي.
مريم : تنقلب على خدمة 
نبيل : مريم ياكما محتاجا بي الفلوس ضروري. مريم : لا لا الحمد للع غير هو انا بغيت نعمر وقتي . نبيل: اوك او فاش بغى تخدمي .؟ 
مريم : اللي كان المهم عندي تكون خدمة شريفة ندخل منها الفلوس . 
نبيل : مهم انا كنت شفت واحد الاعلان في واحد الريسطو محترم باغين بنت سرباية . مريم : بصااح !! واخة تعطيني العنوان الله اخليك ؟ نبيل: اهاه واخة ولاكن امريم هد الخدمة غير ديال عدي عندك تفكري انك تجلسي من قرايتك . 
مريم : لا لا كون هاني انا قريتي هي الاولة . 
مهم مريم كملات كلامها مع نبيل مشاات رجعات شوية او نعسات باش غدا تمشي تشوف ديك الريسطة . 
صبح الصباح مريم ناضت لبسات او هزات ساكها بعدما فطرات خوها او دوزاتو للروض . مامات مريم حتى هي خرجات لخدمتها . مريم شدات طوبيس لعين ابمكان بقات تتسول او تقلب حتى لقات الريسو . ويلي ويلي كيف داير . غير من برا تي دوخ عادا من لداخل . لقات مريم واحد 2 بودرات هخ بوديكارد واقفين داكشي بحال ديال الافلام الاكشن . سولاتهم على المسؤول جاوبها واحد بلي ماكينش ما تي جي حتال 14:30 مريم : خويا واش ماكينش اللي تي نوب عليه . وي كين ولاكن ماغديش ابغي اتبقى بيك راه مشغول. سيري حتال 14:00 او اجي . مريم: اخويا رانس بعيدة منقدرش نمشي او نجي بزاف عليا مهم صافي انا غديا نتسناه لهيه في الظل

3* في الظل حتى ايجي . مشات مريم مسكينة جالسة تتسنى في الظل جبدات كتابها تتراجع شوية ماتديعش الوقت . دازت ساعتين 3 سوايع 4 سوايع مريم بدات تتجيها السخفة ديال الجوع تماك مابان ليها حتى شي حانوت كينين غير القهاوي او الاوطيلات . وصلات 14:00 قالت معى راسها الحمد لله باقي غير نص ساعة مسكينة كرمات بي الجوع . فاتت14:30 او سيد باقي ماجاش مشات مريم عوتاني عند هدك البودرا خويا راه فاتت 14:30 او باقي ماجاش . واش ديمل تي تعطل ؟ 
ياله بغى اجاوبني حتى وقفات سيارة كحلة مجبدة تتشعل تشوفو فيها وجاهكم . هبط منها واحد السيد لابس سروال كلاس كحل مع شوميز شيبي طويل مجرد او فورمتو غزالة شعرو رطب كحل او لحيتو مطراسيا تقولو غير لبناني داير نظاظر كوحل .او هاز كارو في يديه . وقف علينا ان دخت . اشنو كين هنا ؟ اش واقع؟ لبودرا: اسيدي هد البنت من 7:00 ديال الصباح او هي تتسنى باغى تشوفكم . شاف فيا واحد الشوفة ناقصة . وي اشنو عندك كين شي منقديو . انا: في خاطري( ناري على بنادم كيف دير متكبر او زيدها بي العياقة او ماتيعرفش ايدوي) . سيدي قااو ليا بلي درتو شي اعلان طالبين فيه سرباية . 
المسؤول: اه وي اجي دخلي بعدا 
انا:في خاطري ( ياحليلي بعدا راه فيه شوية ديال الصواب) دخلت معاه مشينا للمكتب ديالو . جلس او طلب مني حتى انا نجلس . حيد نظاظر من عيني و ياريت ما حبدهم . انا تزعزعت البنات دخت او تاهدا كولو زين موحالش واش تي حمل جينات مغربية هدا بحال البنانيين . عيونو كحلبن مشفرين او حجبانو عراض او طوال داكشي زين زين . مهم نرجعو للحوار اللي دار بيناتهم .
المسؤول(مهدي): قلتي ليا بغيتي تخدمي ياكي (تي هضر معاها او مدور وجهو لبيسي . حاط يدو على لاسوري تي حركها من جيه لجيه) 
مريم: (بي كل تيقة) اه ان شاء الله 
مهدي: عندك شي

4* عندك شي تجاريب شي ديبلوم ؟؟ 
انا : تجارب لا معنديش هدي غديا تكون اول تجريبة ان شاء الله 
مهدي: دار شاف فيها او دار ابتسامة بي طرف فمو خفها في الحين (اعطيه الويل باقي متمعنت فيها). اها ايوى عندك شي دبلوم او لا ناوية حتى هو تاخديه من عندنا؟ مريم: ديبلوم باقي مخديتوش انا دبا ديرة تقنية متخصصة في الريزو . ديجا عندي شهدات ديال الانفورماتيك . 
مهدي : (دار تي شوف فيها بي تعجب ). او اشنو بينك او بين شي سرباية .
مريم : محتاجة نخدم باش نقدر نكمل قرايتي .
مهدي: دبا نتي باغى تبقاي تقراي او تخدمي؟ مريم: اه ان شاء الله . مهدي: كيف غديا ديري ليها او نتي نهار كلو او نتي خدامة من 8:00 حتال 22:00 ان شاء الله غديا نقدر نوفق بيناتهم انا تنقرا 3 ايام في سيمانة من 8:00 حتى 13:30 غيبقا ليا نص نهار اللخر او 4 ايام . نقدر نزيد حتى سويع . مهدي : مهم غد جيبي الوراق اللي مطلوبين او جي تخدمي انا غدي نوصي عليك نائب ديالي السي سمير . مربم : اوك ان شاء الله شكرا . واش امكنلي نمشي ؟
مهدي : وي تفضلي . 
مشات مريم قيدات الوتائق اللي طالبين في الاعلان اللي مكتوب او رجعت لدارهم دخلات بعدما غسلات حالتها ناضت طيبات الغدا اللي ولا عشا . او مشات تجيب خوها من الروض وكلاتو او عوماتو لعبات معاه شوية . شعلات ليه التلفازة او مشات تراجع دروسها . شوية جات مامتها . تلقات ليها بي تعنيقة كيف العادة هي او هشام . او مشات وجدات لماماها مكلتها بقات جالسة معاها شوية او ناضة مشات لبيتها باش تنعس راه غدا اول نهار ليها في الخدمة . صبح صباح لبسات مريم او تقادات هزات صاكها او وراقيها سلمات على ماماها او خرجات شدات طوبيس . وصلات لريسطو لقات البودرات واقفين . مريم : صباح الخير
البودرات : صباح النور . ختي الخدامة راه تي دخلو من

5* من الباب الخلفي . مريم : اه سمحو ليا راني نسيت لباره نيت هو مناش خرجت . واش كين السي فؤاد نائب ديال السي مهدي ؟ 
اه كاين غدي تلقايه في المكتب الطابق التالت . مريم : اوك شكرا . مشات مريم طلعات تتقلب على السي فؤاد و اخيرا لقات المكتب دقات او دخلات لقاتو جالس شاد تيليفون في يدو (مكونيكطي متلا خهخه) . مريم : سلام عليكم سي فؤاد 
فؤاد : (بلا ما يرد عليها السلام) . سيري لكوزينا غدي تلقاي شاف اشرف هو معمن غديا تخدمي هو مختص بي اللاطباق الرئيسة . مريم : واخا السي فؤاد .
فؤاد خدي اللبسة من القاعة الملابس . سرباية عندنا خاصها تكون ديما جميلة اهم شيء هو المظهر هدا ماشي مطعم عادي هنا تي كونو غير رجال الاعمال . مريم : واخا السي فؤاد . 
فؤاد ؛ مهم راه السي المهدي شرح ليا الوضع ديالك دبا السويع اللي غديا تبطليهم غتعوضيهم بي الليل . مريم : ولخا ماشي مشكيل . حتى نهار روبو غديا نخدم فيه ان شاء الله باش نقدر نكون غطيت على ساعات اللي غيبتهم . فؤاد او هو تي شوف في تيليفون اوك دابا سيري لخدمتك . فعلا داك الشي لي دارت هبطات مريم تتقلب على قاعة تبديل لملابس . لقاتها دخلات تتلقى واحد البنت مسؤلة في هدك القاعة . لقاتها موجد ليها لباس رسمي ديال الخدمة اللي هو عبارة على صاية حد الركبة او قميجة بيضى مع جيلي لباس في زرق او الرمادي . كل مرة تي لبسوهم لون . مهم بعدما لبسات جمعات شعرها سفنجة لفوق . وراتها هدك البنت بلاكار الخاص بيها اللي غديل تحط فيه حويجها . مهم كملات مريم او تجهات لعند شاق اشرف اللي كانت معاملتو لطيفة مع مريم ماموالفاش ليه السر هو انه تعجب بي مريم من اول نظرة اااه . مهم بدا تي شرح ليها طريقة الخدمة فعلا مريم كان راسها خفيف دغية تعلمات دوزت النهار الاول مزيان في الخدمة . جا نهار التان

6*جا النهار التاني ليوما حالة حالة خاصة المطعم مريزيرفي في الليل من طرف شركة "اكسلاو" . ( عشاء عمل ) كلشي بدا تي وجد شاف اشرف جا بكري حتى هو مع 8 وجد الاطباق اللي غدين نستقبلو بيهم الناس في الغدا . وصلات 11 بدا المطعم تي عمر . انا كنجري من قنت لقنت من طبلة لطابلة بحال لعبة الشطرنج باش نقدم طلبيات مهم بقيت على هد الحال حتى 4 تسد المطعم جاو ناس ديال الميناج نظفو المكان السربيات كلهم توصلو بي لباس جديد الوانو متناسقى مع الوان ديال جهاز المطعم . المطبخ عامر كاع لي شاف خدامين كلا واحد باش متكلف شي لي سلاط شي اطباق رئبسبة . شي ديسير .انا مشيت هدا شاف اشراف حيت ما بقى عندي ميدار قدينا الطابلات او جهزناهم بي اكسيسوارات ورد... وقت حدا شاف اشرف دار عندي . 
اشرف: مريم بغيتي تعلمي ؟ 
ان: هدشي ا شاف صعيب عليا انا غير قلت نجي حداك تلا حتاجيتي شي سخرة . 
اشرف: ماصعيب والو لطالمة درتي راسك فيه الطبخ راه فن كباقي الفنون تقدري تعتبريه موهبة . الا درتي راسك فيه غيولي اجيك ساهل . انا: وي فعلا عندك الحق . 
مهم اشرف خدام او تي تحتت مع مريم . باقي سربايا مستغربين لامرو كيفاش اشرف الصارم اللي لي قرب من ساحة السربيس ديالو اندمو . جالس تي تحتت كترة الهضرة او القيل او القال . مريم ستادنات من اشرف تمات خارجة غديا لغرفة الملابس تهز الهاتف ديالها من الصاك اللي في الخيزانة باش تعلم ماماها بلي راها غديا تعطل . كملات المكالمة او هي متاجهة للطبق السفلي تتسوع الهضرة او الضحك مريم شدها الفضول تعرف شكون مشات تابعة الصوت اللي داها لمكتب مهدي وقفات حدا الباب او هي تتسمع مهدي تي ضحك مع شي بنت او تي هضرو بي جهد ادورة اللي غديا دور لقات فؤاد وراها (اناري مي) . فؤاد : اش كديري هنا ؟
مريم تتقفقف . خرج مهدي مع

7* مع شاد في ديك البنت لابسة كسوة في الغوز قسيرة او معرية مع طالون طالقة الشعر . في الصراحة زوينة. مهدي: مالكم ياك ما كين باس. 
فؤاد : كنت جاي عندك نهضرو في واحد الموضوع تي خص الخدمة حتى لقيت هدي هنا . مهدي: اه خلي داك الموضوع حتى افوت ليوما . نتي اشنو جاية ديري هنا خدمتك راها لتحت . هديك البنت القزبة تتضحك او تحنزز . انا : مارضيتش ولاكن حضرت راسي او قلت . سي مهدي جيت غير باش نفكرك على قبال غدا غديا نخي حتى العشية . مهدي: (مخلهاش تكمل او قاطعها ) صافي صافي راه داكرنا في هد الموضوع غير سيري لخدمتك دبا . مريم حدرات راسها او مشاات هبطات للطبق السفلي ضربت طليلة على المطعم لتكةن ناقصة شي حاجة بعدهل مشاا للكوزينا بقات مع البنات مجمعين حتى وصلات 7 المطعم تحل بدا تي دخلو رجال و نساء الاعمال داكشي الكلاس بحال ديال الافلام انا بقيت غير حضياهم من بعيد . شوية جا سي فؤاد عطانا الادن باش نخرجو نشوفو طلبيات خرجنا حنى 3 البناات تجهنا للبوفي اللي كانو جالسين فيه 10 اشخاص قدمنا ليهم العشاء معم داز كلشي مزيان ة لاكن مابين هدوك 10 اشخاص كان واحد الشخص محيدش عينو من عليا انا كنحاول من مشيش بعيد في تفكيري . ولاكن حتى البنات لاحظوها الشي الي دخل ليا الشك مهم كملنا من خدمتنا هما بعدما تعشاو تاجهو لصالة الشاي باش اداكرو في خدمتهم حطينا ليهم الطلبيات كل واحد اشنو ختار داك الشخص عيط ليا انا تجاهلتو حيت كنت عطياه بي ظهر او طلبت من واحد البنت تمشي في بلاصتي . مشات او هو اقول ليها لا كلمي لاخرة . انا تنسمع فيه حدرت راسي او مشيت عندو . اش حب الخاطر اسيدي . الشخص: نتي جديدة معمرني شفتك هنا سيري جيبي ليا واحد كافي بلا سكار تكون بيان كاسي . انا . واخا اسيدي . بعدما وجدات الكافي ديتها ليه جيت حطيتها فوق الط

8* فوق الطابلة او هي تسبقو يدو الفنجان لمس ليا يدي انا خطفت يدي او مشيت . ديريكت الكوزينة مرتابكة اوتنترعد من الموقف اللي تعرضت انا او بين راسي( واش هد الحيوان ماتي حشمش اش بغى عندي تقداو الخانزات بنت ليه غير انا او زايدها مامحترم حتى واحد تي تصرف بحالا هو بوحدو . شكون غدي اكون هدا ؟ ) مريم اهي تتكلم مع راسها حتى واقفات عليها وحدة من البنات . مريم اتي مالكي تتقفقفي ياكما عيانة . مريم . لا اختي ماكين ما نخبي عليك انا معجبونيش تصرفات ديال هداك البغل اللي براا . شمون واش سيهم حميد ؟ ماعرفت سميتوالمهم هداك اللي لابس الموف . اه هداك راه هكدا حالو فينما كتزاد شي بنت جديدة كي بقى العب ليها بي عقلها وي طمعها بي زواج غير تيياخد منها داكشي اللي بغى او تي لوحها . انا: ولد الحرام من فعيلو انا ماشي دمدومة حتى اضحك عليا اقرب مني نشوهو . البنت: (تضحك) تشوهيه !!؟. او هانتي شوهتيه راه اجري عليك من الخدمة وي لصق ليك شي مونتيف . انا : اجري عليا مال المطعم تاع باه . راه سي المهدي هو المسؤول او هو مول شي . البنت: ايوا راه ايه المطعم ديال باه او سيك المهدي راه خوه الكبير . هما راه عندهم مكانتهم في البلاد لبااس عليهم عندهم شركات او مطاعيم عندك اسحابليك بلي نت غديا تغلبيه . شتي سي المهدي سخي معا الخدامة عندو ولاكن في بعض المرات تي تحول لجن عندك تقولي بلي راه سي مهدي مساندك. ناري ناري نسيت الخدمة او بقيت نتحتت . مريم بقات تتفكر في داكشي اللي قالت ليها البنت ، شوية صيفط عليها سي فؤاد مشات خرجات لعندو للصالة كلشي مشى بقى غير داك الحيوان ديال رضوان او خوه المهدي او ديك خطيبتو او فؤاد . انا: اش حب الخاطر اسيدي ؟ داكشي اللي وقع ليوما منبغيش نعاود نشوف او نسمع شي هد كي تشكى منك . انا : ولاكن ( ماخل

*9 (مخلهاش تكمل ) ماكين ما ولاكين سيري دبا .مشات مريم او دمعتها وصلت لخدها طلعات لغرفة الملابس بدلات حويجها او تمات هبطة حتى تصاطحات مع مهدي . مريم: (بي ارتباك او دموعها سيلين) سمحليا اسي المهدي . مهدي: عودي شوفي قدمك راه مطعم هد ماشي زريبة . انا : حدرت راسي او مشيت عاد مازدت في البكا خرجت برا غاديا للبلاكة ديال الطوبيس او الدموع تقول واش بغاو احبسو .وقفت عند البلاكة او الظلام او دنيا خاوية 22:30 مع البرد كلشي داخل لدارو . حتى بانت ليا سيارة تتقرب حدايا جاية غير بيشوية . حتى وقف حداية انا بي اللا مبالاة مضاربة غير مع شعري اللي تي طيرو البرد على وجهي . هبط من السيارة من لم اتوقعه ااااه المهدي .انا مصدومة معرفت من دير . هو بي حركاتو البطيئة مان كل خطوة كي خطيها كتبقى صوتها رنان في ودني . 
مهدي : نتي الالة الي حادرة راسك او غديا مسخسخاني حتى لهنا عودي جمعي لوازمك او حوايجك ..
انا :كيفاش مفهمتش . 
مهدي : زيدها حتى بي الغباوة .؟ ايوا نتي طاح ليك بزطامك ملي كنت هابطة .
قلبتن صاك تي بان ليا بصح البزطام اللي فيه بطالقة الوطنية او الفلوس باش نمشي . هزيت راسي خديت من غندو البزطام او شكرتو او طلبت من عندو السماحة . هو بلا ما يجاوبني مشا ركب في سيارتو او غبر . انا اواه انا هد السيد مابغاش اتفهم ليا مرا انسان مساعد او طيب او مرة شخصية اخرة .مهم جا طوبيس ركبت فيه وصلت لدار سلمت على ماما لقيتها خدامة على المكينة او خويا مسكين ناعس وضعت قبلة على را1؛سو او حطيت ليه بيمو او دانون اللي تي بغي . مشيت بدلت حويجي او جبدت كتوبتي نراجع شوية . . مهم بعدما دازت نص ساعة ديال المراجعة ضربتها بي نعسة مع الصباح نضت وجت لفطور لخويا راجعت شوية بدلت او خرجت شادة الطريق لسونطر . بعدما كملت الحصص اللي عندي

10* خرجت من سونطر مه 1:30 او شديت طوبيس . للخدمة . غير وصلت طلعت بدلت لقيت المطعم عامر بديت في الخدمة كنتنقل من طابلة لطابلة ها لي هضر بي اداب ها اللي غمز ها لي تغزل . انا في ديك ساعة تنفكر في حاجة وحدة هي نخدم باش نقدر نكمل قرايتي او نخدم او حتى انا نكون شي نهار جالسة في بحال هد المطعم . مهم سي فؤاد كان مرة مرة تي ضرب طليلة اشوف الخدمة كيف غادة . بقينا خدامين نهار كلو انا الخبز هو الاخر ماطاحش في فمي ماحدي شربت شوية الماء باش دوزت دوايا اللي كان مخرج ليا طبيب النفسي . حيت واخة دازت اعوام الا اني مزالا متبعة عندو مرة كل 6 اشهر كنمشي لعندو . شوية و انا خدامة كنسربي واحد الطابلة حتى كنسمع صوت كي نادي بي سميتي . درت لقيتو نبيل اللي كان نعتلي الخدمة . مشيت سلمت عليه هضرة معاه ما كملاش 2 دقائق كنت تنحاول نشكرو حيت مابقيتش حليت الفيس من هداط النهار فاش نعت ليا . واحد شوية كتيبان ليا سي مهدي واقف كي شوف فيا شوفات قاصحين ( ناري مي كحلتها هدا مالو تاني ) . هدرت راسي قلت نبيل عتقني طلب اشنو بغيتي راه الباطرون تي شوف فيا . نبيل دار دورة الخضارة شافيه او هو اضحك قالي اوك اوك جيبي ليا سلاظ روايال مع شي طبق من اختيارك اكون ديال الحوت . انا : واخة . حضرت راسي او مشيت . عطيت طلبية لشاف اشرف . خرجت عوتاني من المطبخ للصالة باش نشوف الطلبيات دورت راسي ليمن او ليسر ما بانش ليا سي المهدي . بعدما خديت طلبيات ديال ناس . لقيت طلبية ديال نبيل وجدات مشيت غاديا نعطيها ليه بديت تنحط فوق الطبلة اهو اقول ليا عندك امريم تنساي قرايتك هدشي راه والو قدام مستقبالك ميغركش الفلوس . فكري في المنصب اللي كنت تتحلمي بيه. انا: نبيل خويا كون هاني انا راه العكس هد الخدمة هي اللي عطاتني قوة اكتر اني نكمل دراستي

11*دراستي هزيت راسي بعدما حطيت طلبية باقى ماكملت الهضرة حتى بان ليا مشيت بلا منقول لنبيل بسلامة حدي نطقت (ناري) .بعدما قدمت الطلبيات. او كنت متاجهة لمطبخ . حتى كنحس بي الدوخة او الم قوي كيشد النصف الايسر من راسي . خملت بي خطوات تقال للمطبخ وجهي صفار. شافني اشرف في هديك الحالةاو هو اطلب مني نمشي نرتاح كلف بنت اخرة بي خدمتي . انا رفظت نمشي قلت ليه غديا نمشي نطلع غرفة الملابس نشرف الدوا او ناخد 10 دقائق راحة او نجي .داكشي نيت اللي درت او انا غديا طالعة في الدروج وصلت لطبق التاني حتى كنسمع الاسنسور تحل او شي واحد تي خطو خطوات . هد الصوت ديال الخطوات ما غرابش عليا . شوية كنسمع بي صوت خشن . انتي يا اما تقابلي ليا تكركير مع لكليان يا اما تبقاي دوري . الالة هدي راها خدمة او عندها قوانين ماشي سوق . انا السخفة فيا او قلبي مكمش عليا باغة نبكي او ماقدراش نبان ضعيفة . هو بقى كي خاصم عليا . انا في لحظة بلا من شعر طحت ما عقلتش على راسي حتى فقت او لقيتني في المكتب ديال السي مهدي . حاط حدايا الماء او واقفة حداه صحبتي اللي تعرفت عليها سناء انا فديك الساعة دايخة . نضت بقيت تنشوف غير في سناء . شاف فيا مهدي ق

12* قاليا كيف وليتي دابا شوية ؟ (تي سول غير بزز ماراضيش ) . انا جمعت الوقفة اه الحمد راه راه غير طونسيو هو اللي تيدير ليا هكدا حيت باقي ماكليتش . مهدي : مهم الا بغيتي تمشي غير سيري حتال غدا . انا : لا لا انا صافي وليت لباس حضرت راسي او مشيت تبعاتني سناء . 
سناء : صحبتي لا كان غير مشيتي لداركم حتى لغدا اوجي صحتك هي الاولة شوفي راسك كيف ديرة فيك السخفة . 
انا : لا اسناء . انا نمشي ناكل شوية او نولي لباس راه غير مع ماكليتس او شربت الدوا على جوع راني ديجا واقعة ليا ماتخفيش عليا .راني دابة نولي بخير .مشي للمطبخ عند شاف اشرف جابت ليا سناء ماكلة ميكينة كليت او رتاحيت 5 دقائق او نضت عوتاني الخدمة من داك الوقت او انا واقفة نفس الشي من طبلة لطابلة وصلات. 20:00 اوهي تم داخلت هديك الزليعفانة البوقوصة عوتاني معرفية او مشادة مع المهدي . جلسو في طابلة رقم 8 . حنا كنرقمو الطابلات غير بي الادهان ديالنا . جر ليها الكرسي او جلسات .( ناس ديال الكلاس ) شوية ياله غديا نمشي نشوف طلبية ديالهم حتى حضر هداك القنص عوتاني خوه . سلم عليهم او جلس تي دور في عينيه . انا كنت رجعت لور ملي بان ليا . كنت متاجهة لعند سناء باش تكلف بيهن احتى وقف علي فؤاد اووف .فؤاد:سيري شوفي طلبية ديال الطبلة 8 . انا : راه سناء غديا تكلف بيهم اسي فؤاد . 
فؤاد : قصح صوتو . قلت ليك سيري نتي . 
انا: واخة السي فؤاد . مشيت على وعدي او سعدي . وقفت بي جنب طابلة قدمت الموني .او داك البغل تي طلع وي هبط فيها شوفاتو كانت كتخنقني مصاب عليا غير امتى نحيد من حداهم . 
الزليعفانة: حبيبي مهدي انا بغية ناكل على دوقك ليوما . 
المهدي: واخة احبيبة . سيري قولي لشاف اشرف . الطبقة الرمزي . 
انا بيني او بين راسي اشنو هد الطبق عوتاني معمرني سمعتو ولا

13* ولا شفتو في المطعم . درت عند هدك الزيغ . سيدي اش حب الخاطر .
هو: انا باغي ليوم ناكل على دوقك . 
الزليعفانة تتشوف فيه او تتضحك . اما المهدي دار فيا شوفة مامفهوماش او خفاها بي طبع قبلة على يد ديك الزلعفانة ( حسناء) .انا : نعم اسيدي نقدر نساعدك بي تقديم اقتراحات كين سومو غولون بي كروفيت .... او او كاين طبق الصلصة الي متكون من لحم بقر على طريقة الطبخ الايطالي .... بقيت نقترح عليه ولد الحرام في الاخير قالي جيبي ليا طبق السومو بي الكروفيت الكروفيت او ختمها بي غمزة . انا تجنبتو او مشيت . لشاف اشرف عطيتو الورقة اللي فيها الطلبية . او مشيت كملت خدمتي . كنت فينما نتحرك تنلقى هداك الزيغ ديال حميد تيشوف فيا . اما المهدي ادور ادور وي بوس في يدين حسناء اللي معرفت اشمن علاقة تتربطهم . مهم دخلت المطبخ هزيت الطلبية حطيتها ليهم الله استر حتى واحد ما قال شكرا . مت غير هداك الزيغ . 
حميد: ميرسي ازين .
مريم : دوغيا في خاطرها (قليل الاداب لوكان غير سكتي كلو على بعضو شي جيب الاشمازاز صوتو هو طريقة كلامو تصروفاتو ... ) مشيت كملت خدمتي من بعد ما شفت في الساعة تتبان ليا 00:00 اناري ميمتي ماما كراها مخلوعة عليا او تيليفون خليتو في الصاك . كملات مريم جميع الطابلة او مشات تتجري طلعات متاجهة الغرفة او هي تلاقة بي المهدي او حسناء تيتبادلو القبل في الكولوار .رجعات بي خطوة لورما قدراتش تكمل طريقها . 
مريم: تفو قلة الاداب على الاقل ادخلو لمكتب وي ديرو اللي بغاو دابا انا كيف غندير حتى ندوز .هو ماعرفش بلي الخدامة كيدوزو من هنا .هد ملين الفلوس ماتيكسابوش حتى غرام ديال الحياء . شوية او هو اوقف عليها حميد . 
حميد:ههههه مالك واقفة هنا ياكما بغيتي نديرو بحالهم . 
مريم : حضرت راسها او تاجهت المطبخ . مشات عند شا

14* عند الشاف اشرف طلبات من عندو تيليفون باش تعيط لماماها . فعلا ما تعطلش عليها (اشرف راه تيبغي مريم في السر او ما بغاش اصارحها حتى اكسب صداقتها ) . تاصلات مريم بي مامها طمناتها . او مشات عند سناء . 
مريم: اجي اجي اصحبتي نعاود ليك 
سناء : اشنو كاين يكما حداك حميد دار ليك شي حاجة راه بان ليا منيش عليك اصحبتي في اطونسيو . 
مريم : وسمعي بعدا . دبا انا كنت غديا ناخد تيليفون الطابق تاني او انا نشوف هدوك الممسوخين حسنا او مهدي تي تباوسو الله امسخهم او انا رجعت تخبيت قلت راه غدين ادخلو المكتب ياحسرة وي كملو ساعة هما لسقو تم او شوية حتى وقف عليا هدك الزيغ . البغل قليل الاداب قالي واش نديرو بحالهم و انا نهرب . 
سناء : اااااطنسيو امريم ختي هداك راه هدا حالو مع كاع البنات عندك شي مرة اغلبك بي حلوة اللسان او تعطيه راسك . سوليني انا عليه اصحبتي . اللي شحال من عام وانا خدامة هنا . 
مريم : سناء صحبتك انا اشنو دار ليك ؟ 
قاطعنا صوت سي فؤاد اشكديرو هنا ؟ 
(انا في خاطري كنشطحو) . احنا السي خدامات . مشا . شافت سناء في الساعة قالت ليا ياله امريم الله اجعل البراكة . راه وقت الخروج دبا . 
انا : انا اختي دبا مغدياش نلقى المركوب معرفت كيف ندير من قبيلا وانا تنخمم . 
سناء : انا تندير مع واحد مول طاكسي تي جي ليا ملي تنخرج مع هد الوقت . يديك معانا احطني انا وي وصلك . 
مريم : وخا اختي لهلا اخطيك . 
مشاو البنات لبسو حويجهم او هبطو لقاو طاكسي كي تسناهم . بعدما حطو سناء كملو الطريق حتال باب ديال دار مريم . اللي معمرها بقات حتى لهد الوقت في الزنقة خلصاتو او طلعات لدار طلات على ماماها لقاتها ناعسة مسكينة الله احسن العوان الخدمة في الدار او الخدمة هدشي كلو باش مايمدوش يديهم لحتى شي واحد . بعدها مشات طلات على

15* على خوها الملاك بقات تتامل في تراسيم وجهو البريئة .
مريم: خويا حبيبي ماغدياش نخليك اخصك حتى خير ان شاء الله تنا راني نخدم الليل او نقراء نهار باش نقدر نفوز بي المستقبل لي تنتمنى او باش نحقق ليك حياة افضل سمح ليا هملتك هد الفترة كنواعدك بلي غديا نعوضك .طبعت قبلة على جمهتو مسحات دموعها او مشات لببتها بدلات هزات كتوبتها راجعت شوية او بعدها نعسات . لغد ليه فاقت كيف العادة لبسات او هزات صاكها مشات لسونطر بعدما كملات الحصة دازت الخدمة . طلعات بدلات حويجها او مشات للمطبخ لقات سناء خدامة . جات تقلب على اشرف ملقاتوش . خرجات لخدمتها تشوف طلبيات في لحظة جرات مربم سناء . 
مريم: سناء فيناهو شاف اشرف شتو ماكينش في المطبخ. 
سناء :ليوما الخميس عندو روبو ماكيخدمش. مريم : اه مزيان . نسيت موصفت ليكم اشرف( هو في سن يقارب 29 تقريبا ماطويلش بزاف بيض او شعرو عسلي زوين ما ديرش لحية بي الحق ميلح). مهم مشات كملات مريم الخدمة مرة مرة كتلاقة بي فؤاد (الله استر غير مخنزر مهم اللهم هو اولا هدك المهدي العياقة او البخ او زيدها بي قلة الحية) .مريم : اوف الحمد لله بعدا ما جاش هدك الزيغ ليوما. او حتى هديك ازليعفانة او الممسوخ ماكينينش . مهم كملو البنات الخدمة ديالهم . ليوم الخميس تيكون المطعم مرخوف . وصلات 23:30 او هما امشوي بدلو حويجهم او لبسو هزو معاهم الماكلة حيت من خميس الخميس تي خليوك دي معاك شي طبق من اختيارك . خرجنا حدا الباب بعدما تفتشنا من طرف دوك البودرات اللي حدا الباب (ضاروري من تفتيش ملي كنبغيو نخرجو كاع الخدامة نفس الشيء ) . لقينا طاكسي كيتسنانا ركبنا او كل وحدة وصلات لدارها . انا كيف دخلت لدار مشيت فيقت ماما او خويا اللي شحال ما بقيت تجمعت معاهم على طبلة وحدة . حطيت الماكلة في الطباسل او در

16*درنا على الطابلة شحال مابقيت حسيت بي هد الدفئ العائيلي انا ماكنت غراضي في الماكلة وانما كنت بغيت نشوف ابتسامة خويا او ماما كلينا او ضحكنا بقينا مجمعين شي شوية بينما تهضمات الماكلة ههه و انا نوض ديت خويا لبيتو انعس بعدما حكيت ليه حكاية اللي تتعجبو حكاية الاب الاسد اللي كان تي حمي العشيرة ديالو او اللي في لحظة ولا عندو خلف اللي غادي اياخد بلاصتو خويا مسكين كانو عزازين عليه القصص اللي فيهم نوع من الدفاع عن المحيط او كانت تتعجبو الغابة .ههه (تي قول ليا الغابة نعمة بحالها بحال مريم عع حمق ) بعدما نعس مشيت هزيت كتوبتي هردتهم عوتاني شوية او ضربتها بي نعسة في الصباح نفس الشي من السونطر للخدمة . بي الحق ليوما مختالف . ليوما غدي اتم عقد اجتماع . انا ما فخباري والو حتى قالتها لي سناء بلي مع 16:00 انا وياها او 2 سرباية اخرين او شاف اشرف مع شافات اخرين . انا تنخمم ااميمتي ديالاش هد الاجتماع عوتاني . ماوصلات هديك 16:00 حتى غفر ليا الله كاع دنوب . طلعنا الطابق 2 انا او سناء او شاف المسؤول على لايكيب ديالنا . دخلنا للمكتب ديال سي المهدي بانت ليا هديك زليعفانة جالسة او عتمان او هداك الزيغ او سي فؤاد بحال شي عيصابة الله استر . و انا او سناء سرباية اخرين بقينا لور او خلينا شاف شفات في المقدمة . واخيرا نطق هدك قليل لاداب . 
مهدي:جمعتكم ليوما حيت غدا ان شاء الله غدي اكون حفل في الفيلا عندنا . او راني كلفت كل شاف بي 2 سرباية نتوما 6 ديال لي شاف الور الموني غدي اعطيه ليكم فؤاد او نتوما نبغيكم تكونو بازياء رسمية كلاسيكية او ما تنصاوش نبغي الحضور ديالكم (كيقصد بي الحضور الماكياج ) مع 7:00 الصباح نلقاكم في الفيلا . تلاقاو هنا من بعد غيجي الشيفور اديكم . بالسبة لزي غدي نخلي فؤاد هو اللي اتكلف .

17* بعدما سالينا الاجتماع كل تم غادي باش التحاق بي خدمتو . انا غديا في جنب اشرف حتى كنسمع سميتي . درت او وقفت الله ياربي اشبغاو عندي .
مهدي : بقاي نت بغيناك مزال. 
انا: نعم اسيدي اش حب الخاطر . 
خرج فؤاد بقى غير مهدي او ازليعفنة مع الزيغ . 
مهدي: جلسي . 
مريم جلسات . مهدي: مهم حنا بغيناك تلعبي واحد الدور صغير . 
مريم : كيفاش دور . 
نقز داك الزيغ: بغيناك تلعبي الدور ديال خطيبتي . 
مريم : او علاش انا بي الضبط . عطالاه البنات اللي لعبو الدور 
حسناء: حبيبة نتي غديا تلعبي دور في مدة 6 سوايع فقط او تاخدي 10000 درهم 
مريم : كيفاااااش . ناضت سمحو ليا انا ماشي من دوك النوع اللي تي بيع راسو بي 2 ريالات انا تندخل على دارنا خبيزة ديال الحلال . 
مهدي: (بقى كي شوف فيها) صافي صافي مابغيتيش بلاش دوزي خودي حسابك او الله اعرضك السلامة . حنا ديرين معاك المزيان او قابلين عليك ما عندك لا ديبلوم لا تجارب او زيداها بي كترت الغيبات او صابرين عليك . او ملي حتاجينة منك خدمة صغيرة درتي لينا فيها تهمة حنى بغيناك غير تباني معاه قدام الناس حيت البنت اللي كان خاطب تفارق معاها او العائلة حاضرة ليوما باش تشوف خطيبة خويا . ناضت حسناء او خرجاتها من المكتب داتها لمكتب اخر . حسناء : شوفي امريم نتي فقط غديا تباني كخطيبة عتابريها مهمة كلفك بيها الشاف ديالك غديا تاخدي فيها الاجر ملي غديا تعتقينا من الاحراج ديال العائلة . مريم : بعد تفكير عميق . اوك موافقة ولااكن ميحطش عليا يدو اي حركة منو ماغاديش اعجبو الحال . 
حسناء : هههه كوني هانية

18* حسناء بعدما تافقت معايا طلبات مني ندخل معاها للمكتب . مشينا دخلنا 
حسناء : مريم راه وافقت بعدما شرحت ليها كلشي . دبا حنا غنمشيو نتقداو داك الشي للي خاصها نتلقاو في الليل باش نشرحو ليها باقي المهمة . مد ليها مهدي رزة ديال الفلوس . مهدي : تهلاو في ريوسكم . 
انا: في خاطري ( تفو والله كورا ماكنتش محاجة الخدمة لا دخلت في هد الافير ديال الكدوب) . مشيت بدلت حويجي او هبط لمراب في محطوطين سياراة معمرني هبطت لتماك . انا في ديك اللحظة تزعزعت بقيت حالة فمي اشمنك يا حديد داكشي الواعر . ركبات في الرونج في الحمر ركلت حتى انا . او شدينا طريق . انا طريق كلها او انا تنتخايل راسي بي المنصب اللي كنحلم بيه او بي شي حديدة كيف هدي . مهم وصلنا لحدا واحد المتجر كبير هبطنا دخلنا لواحد الكحال فيه غير لي غوب الواعرين انا بقيت غبر حالة فمي بدات تتعزل او تقيس عليا جمعات شي 3 لي غوب او هي تقولي دخلي قيسيهم . دخلت قيستهم في الصراحة انا عجبوني كلهم . في الاخير خديت 3 من دوك اللبيسات او حتى هي خدات . خﻻجنا مشينا لمحال اخر دبال الاحدية او الصيكان داكشي عوتاني لكلاص . ختاريت 2 انسوبل صاك او طالون . بعدها مشينا لمحال بيع المجوهرات . خدينا منو انسوبل كوليي .

19* من بعد ما كملنا وصلاتني لدار عطاتني الفلوس قالت ليا سيري الحمام او رتاحي ليك غدا غديا ندوز عندك مع الصباح نمشيو نديرو لي سوان او ميكاب . طلعت للدار لقيت ماما باقة ما جات . دخلت الحوايج اللي خدبن لبيتي او مشيت خرجت خديت واحد دجاجة طيبة او الفريت او سلاطة او هزيت الحلوة او الموناضة . او بيموات لخويا . خلصت مول الحانوت في الكريدي . او طلعت لدار حطيت تقدية مشيت جبت خويا من الروض شافني مسكين فرح شحال ما بقيت ديتو ولا جبتو مشينا للدار دخلنا بي 2 الكوزينة تنوجدو في الطابلة خويا فرحان مسكين او حتى ماما فرحات ملي شافتنا تنضحكو . بعدما كلينا دخلت خويا لبيتو شعلت ليه التلفازة بقيت تنتفرج معاه شوية . نضت عند ماما عودت ليها بي الحق ماشي على كلشي ماقلتش ليها بلي غديا نلعب دور ديال الخطيبة . حدي قلت ليها بلي عندنا الخدمة في الفيلا . جمعت حويجي ديال الحمام او مشيت دربتها بي تحميمة كمدت عظامي حيدت عليا كاع داك العيا . رجعت للدار رتاحيت او هزيت رجعت شوية او ضربتها بي نعسة مع صباح فقت فطرت خويا او وصلتو للروض رجعت للدار جلسن تنراجع حتى تاصلت بيا حسنا باش نهبط . تنا ديك الساعة كنت واجدة كنتسنها هزيت معايا الحويج اللي شريت حطيتهم في السيارة او شدينا طريق . ماوقفنا حتى وصلنا لعند واحد الصالون بشاخ . دخلنا كلشي تي رحب بينا . خداوني شي بنات دارو ليا لي ماسك لوجهي او لاصير لحمي خلاوني ناسلة ههخ بحدها وصل وقت الشعر بغاو اصبغو ليا شعري ما خليتهمش . قادو ليا يدي او رجلي او دارو ليا ميكاب لوجهي و صيبو ليا مشيطة خفيفة ردو شعري جنب بوكل . في صراحة طلعت واعرة ماعرفتش راسي . حتى حسناء قدات راسها بي الحق هي ماكنتش عندها الخدمة بزاف اناا لي كريتة ستغليت وقت كبير باش نتقاد . خرجنا في تيجاهنا للفيلا

20* وصلنا للفيلا تقولو راها قصر كانو السرباية تي قادو في الطوابل بانو ليا ليكيب او سناء كنت بغيت نمشي عندها ولاكن حسناء منعاتني . دخلاتني حسنا لواحد لبيت بشااخ يا سلام كبير تقول راها برطمة ديال 25 مليون مجهز او ماتت قالت ليا رتاحي ليك شوية حتى اقربو ادخلو المدعوين او نجي نعلمك بقيت جالسة ساعة او انا تنتسنى شوية او هي تسيفط ليا واحد البنت .باش تعاوني في اللبس . لبست الكسوة الزرقة قصيرة مع صاك او صباط فضي درت كلوز او جلست نتسنى خرجات البنت شوية او كنسمع دقات .
مريم : وي تفضل . انا كنركب في الحلقات دورة اللي غديا ندور تنلقى المهدي واقف بوطو مصدوم . انا بارتباك اااا ااا سي مهدي ياكما كين باس .؟
مهدي : مصدوم اه لا لا جيت نديك لصالة .
مريم : علاش هو ما لي مجاش سي حميد ياك انا زعمة خطيبتو . 
مهدي؛ بي عصبية هدشي غير تمتيل دبا ياله زيدي خلاص . مشات مريم مع مهدي في الجنب المهدي اللي كان غيموت بي الغيرة كلما شاف خوه تي تغزل في مريم . او مع دالك ما كي بينش . دخلو جلسات مريم حدا حميد الي حتى هو بي دورو بقى حال فمو . حميد: (بينو او بين مريم .) جيتي كتحمقي .
مريم: سي حميد ماتنساش الاتفاق ديالنا 
حمبد : اوك اوك سمحي ليا بداو المدعويت تي حضرو . حسناء مشات تتستقبل فيهم او تبعها مهدي . بعدا ناض حميد حتى هو او طلب مني نشد ليه في يدو باش نبانو كا 2 مخطوبين انا بزز باش وفقت خرجنا لعند الناس بي ابتسامتي المصطنعة كنيتقبل الناس او كلشي . تي قول لحميد برافو عرفتي اشنو تختار . المهدي غير تيشوف من بعيد . شوية بانت ليا سناء كتسربي طلقت من حميد قلتلو انا راجعة غليتو واقف مع شي وحدينات تقالات على القلب . مريم: سناء سناء . 
سناء : نعام الالة اش حب الخاطر 
مريم: الله امسخك ماعرفتنيش انا مربم صحبتك

21* سناء: هاي هاي على الزيناو تبوقيصة الالة اش هدشي كلو .؟ 
مربم : حتى لمن بعداو نعود ليك كلشي راني شفتك قبيلا خدامة او كنت غديا نجي لعندك نعونك ساعة ما خلاتنيش حسناء .
سناء: مربم ختي خلعتيني .راني نعاود نقولهاليك اطوونسيو . 
مريم : واكوني هنيا ماتخافيش عليا مهم نخليك دابا اوك غدا نعاود ليك كلشي . رجعات مريم لعند حميد دازت 2 سويع او هي تتفرق في الابتسامات هالي بوس ليدين ها لي اسلم عادي . مهدي غير حاضيها من بعيد . شوية كانو مجموعين حميد او مريم مع 2 كوبل نصارة هي كانت تتقن اللغات بقات شادة معاهم الحديت مهدي التحق بيهم بقى غير حاضي مريم تصدم صدمة اخرة ملي عرفها كتعرف للغة الاطالية شوية جات لعندها حسناء بعدما لبسات البسة 2 قالت ليها في ودنيها سيري بدلي . مريم : اوك .
بقات مريم تتضحك عجبها الحال معا هدوك الكوبل واخا ناس راقيين الا انهم تيتميزو بي حس النكتة . ستادنات مربم ضيوف او قالت لحميد في ودنو بلي غديا ترجع . 
مشات او خلت بركان هايج قدامها مهدي ستادن مشا يشوف شي ضيوف . اما مريم فراها غاديا داخلات البيت جبدات الكسوة اللي غديا تلبس يا له تتحل في السنسة من جنب حتى دخل عليها مهدي او سورت . هي تتغوت اييه اييه اش هدشي داخل بلا دقان . 
مهدي : ضسرتي ياك ؟ بقى غادي في تي جاهها حت لصقها مع الحيط انفاسهم تقاربو . مريم : بعد مني اشنو بغيتي . يا الدور او راني نلعب فيه اشنو باغي من عندي تفرق عليه مريم تتحاول تخرج راسها من قبضة ديالو ولاكن بدون جدوة الحلوف صحيح .
ماطلقها غير بي سيف . خرج او ردخ الباب هي سورتات عليها من لداخل او جلسات ترجع النفس . بعدها لبسات كسوة كحلة بي اكسيسوارت دهبية في لون الصاك او طالون . هد المرة الكسوة طويلة . بينات ليها فورمتها واو قدات المكياج ديالها او خرجات

22* تارت انتباه الجميع خرجت مع بداية موسيقى كلاسيكية كانت حاضرة هدك الليلة حضور تام الكل كان حاسد حميد في هديك اللحظة . نظرات حميد او مهدي تغير فجاءة حتى من حسناء لاحظت تغير لي بان على وجه مهدي . تاجه ليا حميد شد ليا يدي طبع عليها قبلة او تاجهنا لجيهت المسبح فين كينة عائيلتو اللي عجبتهم بزاف بقاو تي شكرو فيا لحميد (بففف بنادم الله استر تيحكم عليك غير من المظهر . هدا حال صحاب الفلوس) مهدي ماحيدش عينيه عليا . اما فؤاد خلاص . انا في ديك اللحظت دخل في الدور وليت كنتصرف كاني خطيبتو ديال بصح هدشي باش نغيظ هدك قليل الاداب ديال مهدي اللي داير فيها واعر او جاي هاجم عليا . مهم وصلات 00:00 ديال الليل . انا : سي حميد انا خاصني نمشي راه فاتت 6 سوايع . 
حميد : لا بلاتي الا مشيتي اش غدي نقولو لناس . بقاي بلاتي راه ملي تكمل الحفلة نوصلاك حتال الدار .
مريم : راه ماما غديا تبقى مشوشة عليا .
حميد: تاصلي بيها او طمنيها عليك . مريم متخصريش ليا صورتي قدام المدعوين . 
مريم: اوك اوك 
دازت الحفلة رائعة او جاو وقت الرقص . جا حميد خدا يد مريم او جرها لعندو بدا تي رقص بلا ادنها( هي في ودنيه) ماشي هو هدا الاتفاق ديالنا اسي حميد طلق مني دابا بلا ما نحرجك .
حميد : راه ضروري من هد الرقصة مايكونش راسك قاصح حنى غير كنرقصو ماشي كنديرو شي حاجة اخرة .
مريم : حترم راسك ماشي حيت وافقت نلعب هد الدور تقول .(باقي مكملاتش كلامها ) حتى بان لي شاف اشرف وقف كي شوف مصدوم . مريم : في خاطرها اوف اكيد شاف اشرف غدي افهمني غلاط هد الشوفات ما شي طبيعيين .
سلات الموسيقى او وقفنى من رقص فؤاد جا عند حميد باش اعلمو ان البوفي واجد . 
كلشي لتحق بي البوفي تي عمرو في طباسلهم وي جلسو في طوابل . بففف العيشة الراقية فينك ا ماما او خويا

23*اكيد هدو ما كيحسوش بي الدفئ العائلي . بحال هد الناس الصفقات او المشاريع هما العائلة بي نالسبة ليهم . . مهم دازت ساعة جا وقت الحلوة . جابو واحد الحلوة قدااشنهيا . التحت انا او حميد او مهدي او حسناء باش نقطعوها . انا ماحد هد الساعة باقى معرفت اشمن علاقة تتربط حسناء او مهدي مهم منزربوش في الاحدات كلشي غدي اتعرف . قطعنا الكاطو مجموعين خدينا صور. 2:00 ديال الصباح هدي او ناس بداو تي مشيو انا : اووف اخيرا غديا نرتاح . في الساعة اللي كنت واقفة انا او حميد كنودعو في المدعوين جاه اتصال تي خبروه بلي شعلات العافية في المخزن ديال الشركة عيط على المهدي قاليه تكلف نت بي ناس لي هنا . انا غادي نمشي نشوف هديك الكارتة . مهدي: انا كاريتة .؟
حميد: شي واحد شعل العافية في المخزن ديال الشركة او راه السلعة نص فيها كولو مشا . مهدي : غير بقى نت خليك مع الناس انا نمشي نشوف اشنو واقع . 
حميد: لا لا غير خليك نت رد البال حنا معرنا شكون اللي دار هد الفعلة لعالم الله فاش تي فكرو تاني . 
مهدي : اوك خود معاك شي واحد من دراري .
حميد : كون هاني اخويا . مشى حميد متاجه للشركة.
الفيلا بدات تتخو من المدعوين . مريم مشات دخلات لبيت تبدل مالقاتش حويجها خرجات تقلب على البنت اللي ساعداتها ما لقاتهاش خرجات بارا لقات الفيلا خوات من المدعوين . مريم هنا بدا تي ركبها الخوف في لحظة وقف عليها مهدي . هي تترعد 
هو: شتك كدوري ولفتيها. 
مريم : ما كندورش انا كنقلب على حوايجي ما لقيتهمش في البيت . 
مهدي و انا مالي لاش كتعاوي ليا ؟ 
مريم : مكنعودش ليك انا كنبرر تصروف ديالي. دبا فيناهي الانسة حسناء كانت قالت ليا بلي غديا توصلني ؟ 
مهدي : ههه توصلك ؟!! شتك باغيا تخدمي عيباد الله عندك امكن الا نسيتي راسك .
مريم: لا ما نسيتش راسي

24* لا مانسيتش راسي . سيدة كانت وعداتني انها غديا توصلني . انا بقيت عوالة عليها . دبا بسلامة غديا نمشي راسي خرجات مريم من الفيلا او بقات شادة الطريق . دنيا مظلمة حتى مخلوق ماتيدور في داك القنت غير صوت الكلاب كيتنابحو . شوية تتسمع صوت سيارة جاية بقات واقفة تشوق موربانة تكون سيقاها شي مرة تطلببها توصلها غير شارع . ساعة لقاتو واحد الزيغ قليل الاداب بدا عليها بي الهضرة الخيبة تي صحابها من بائعات الهوى . عندو الحق اي واحد غدي اشوفها خارجة في داك الوقت اولابسة او ماكية ما غيفكر غير انها من بنات الليل . بنات الليل الي ولات مريم مصنفة بيه عند بعض الجيران البركاكا تب ياكلو في اعراض ناس . ملي والو اشوفو مريم تتدخل حتى نصاصات الليل . مهم نرجعو لمريم مسكينة اللي ماستحملاتش كلام هداك الزيغ او مشات تتجري او دموع تتساكب شوية جات بغات تقطع تتبان ليها سيارة جاية هي تي صحاب ليها هداك اللي كان تبعها بقات تتجري حتى عكلاتها حجرة او طاحت . في هد الحين وقفات السيارة هبط الشخص اللي كان فيها صوت خطواتو تيقرب من ودن مرين صوت رنان خطوات تقيلة تي خطيهم . وقف عليها او مد ليها يدو . 
مريم : ماقدراش طلع راسها تشوف وجه الشخص . غلب عليها العيا او البكا . الشخص دار يدو على شكل تعنيقة . حط اليد اليمنى في كتف الايمن لمريم او اليد اليسرى عند قبطة يدها او نوضها بي شوية .متاجه بيها لسيارة . هنا مريم وقفات بعدما حقات في الشخص . مريم: نت!!؟ اشنو بغيتي من عندي خليني .. باقى ماكملاتش كلامها حتى سخفات . هزها او طلعها للسيارة . شوية مريم فاقت تتلقى راسها في سيارة بي جنبها مهدي . 
مريم : اشنو طرا ليا شكون لي. 
مهدي : ساكت ما تيجاوبهاش .
مريم : تتبكي وقول ليا علاش انا هنا .
مهدي : سكتي . مريم : وقف حطني هنا وااااوقف

25* مهدي : بغيتيني نهبطك هنا اياكلوك الكلاب او لا اتلقاو ليك السكيرية . او نتي خارجة هكدا اسحابليك غدين ازكلوك . دبا غديا تسكتيني حسن ليك. 
مريم : نستاهل انا اللي ديرة فيكم راسي او جايا نشارك في كدوبكم . او بدات تتبكي مهدي :سكتينا دريتيني في راسي . (بي صوت حاد) . مريم سكتاات تتعير في راسها في صمت . مريم: دابا فين غادي بيا . ؟ 
مهدي: بدون رد . 
بعدما شاف مريم تهدنات . طلب منها تعطيع من عصير الفريز او تاخد حتى هي كان حاط بلاستيكة في المقاعد الخلفية . 
مريم دورات وجها لنافدة ما تسوقاتش ليه . مهدي : بي (نبرة صوت حادة) واش مكتسمعيس . 
مريم : عينيها مغرغرين . دارت هزات البلاستيكة تتلقى غير عصير الخوخ مدات ليه واحد ديال الخوخ . 
مهدي انا قلت ليك فريز ماشي خوخ .
مريم : الشي اللي كين راني مديتو ليك.
مهدي: قلبي مزيان راني خليت واحد فريز مريم: شد قلب راسك .
مهدي : تقاد ليك اللسان او ولا سطل قد القب .بي سيف مركبك معايا عاطيك قيمة 
مريم: حتى دابا باقي الحال حطني هنا خليني نكمل طريقي بوحدي 
مهدي : (بي اللمبالات) قلبي قلبي مزيان راه كين عصير الفريز
مريم : بعصبية تتقلب في البلاستيك لقاتو او مداتو ليه .
مهدي: عمية فكريني نهار الاتنين نعطيك باش دوزي على عينيك.
مريم :ما بقيتش غديا نعتبها عندك .
مهدي: ماعندك ماديري بي شي خدمة 10000 درهم اللي غتشدي تكفيك . 
مريم: هديك 10000 درهم خليتها ليك نت تمشي تقاد بيها هدك الفم شوية . هزات واحد عصير (مريم ملي تتعصب تتولي غير تصرط) شربات العصير او هي تغيب . مهدي : دابا نوريك الاصلاحات كيف ديرة . ورك على الفيتيس ما وقف حتى لعند واحد الفيرمة معزولة على بنادم غير الخلا او القيفار هبط من سيارة او هز مريم دخلها لواحد البيت

26دخلها للبيت جردها من ملبيسها .
مهدي: انا غدي نصلح فمي دبا ا لالة مريم . قضى غراضو . في الصباح حلات مريم عينيها كان راسها كيدرها بي فعل المنوم اللي كان حاط في العصير . كان دكياو حابك الخطة كما يجب دار المنوم في كاع العصائر ديال الخوخ او خلا عصير واحد ديال الفريز اللي مدار فيه والو . ماخلاش ليها مجال لي شك . بعدما فاقت مريم تتلقى راسها عريانة او في غرفة ماشي هي غرفتها دورات وجها لقات مهدي ناعس حداها حتى هو عريان . في ديك اللحظة كلشي تخلط عليها كلشي محبوس في لداخل بكا او غوات حولات تغطي راسها بي ليزار حتى تي بان ليها قطرات دم فيه هنا كانت النقطة اللي فجرات البركان لي في مريم . غوتات او بكات ناض مهدي: بي اللامبالات كيف العادة . هيييه مالنا على هد الغوات . اش كين . 
مريم: دفلات عليه . الله اياخد فيك الحق الله اياخد فيك الحق . او بدات تتضرب فيه .
مهدي صرفقها او شدها من كتافها بي قوة . هييه ماضربك حد على يديك نتي اللي جيتي معايا بي ارادتك . مريم : بي ارادتي ؟ 
الحمار ،الكداب ضيعتي ليا شرافي . نت غتاصبتيني .اهء اهء اهء ااه اميمتي واش غاديا ندير في صد وجهي يا ميمتي . الله اياخد فيك الحق . الله اياخد فيك الحق يا عدو الله . مريم هزات حويجها او لوات عيلها ليزار دخلات الحمام لبسات حويجها او تمات غديا خارجة البيبان كلهم مطرقين حتى من النوافد مرتابطين بي جهاز تحكم مايمكنش اتفتحو . مريم تتبكي او تغوت . حبط مهدي او بي اللا مبالات كيف العادة . واخة تخوتي حتى تعياي ماكين اللي غدي اسمعك هد . حنا ابنتي في فيرما في وسط الخلا . غير بقاي تغوتي حتا تعياي . مريم : حل عليا الباب نمشي بحالي اشنو مزال باغي مني . ياك شرافي او خدبتيه. مهدي: ههههه نحل عليك اصحاب ليك كينة سيبة

27* مريم: اشنو باقي باغي مني خليني نمشي ماما غديا تكون مخلوعة عليا . مهدي: دوزي رايحي حسن ليك . قبل ما نبدل اسلوبي في التصرف معاك .سيري سيري وجدي ليا الفطور .
مريم: توجد ليك السم ان شاء الله حل عليا الباب خليني نمشي (تتبكي ..) 
دابا اشنو باغي مني ياك اللي بغيتيه خديتيه اشنو مزال باغي مني ؟
مهدي: حتى نشبع منك .
مريم: حيوان تفو الله انعل النهار اللي حطيت رجلى عندك او شفتك فيه تفو . و الله لا كانت ليك قتلني او فديك ساعة دير اللي عجبك اما ما حد الروح فيا عمر ما تحلم تقيسني الشماتة ديال الرجال . تقداو المسخات من دنيا بنت ليك غير انا . مقداتكش هديك اللي عندك . او لا نسيت نتوما مالين الفلوس ما كتشبعوش ديرين كيف الوحوش ما كاتعرفو لا رب ولا عبدو . 
مهدي: تحل ليك الفم ولا عندك اللسان طول منك . ودابا غير بقاي تغوتي او تعيري ديري اللي بغيتي نت حرة . غير ملي تكملي دخلي دوشي من .... هخهخه 
مريم : تفو المسخ حيوان ...
مشات مريم طلعات البيت لقات صاكها ديال الحويج سورتات عليها من لداخل او دخلت لحمام تمحي الوسخ ديال هداك الحيوان كيما ولات تتسميه . قرفت من لحمها او هي تتحاول تصور انا جسمها كان بين يديه بعدما غسلات لبسات حويجها او خرجات للبيت هزات صاكها او مشاتلبيت اخر ماقدراتش مزال تزيد تجلس في هداك البيت . مهدي في المطبخ تي وجد في الفطور ناشط تي غني . كمل توجاد او هو اعيط مريم ...حبيبة .... اجي هبطي تفطري . مريم ما كتجاوبوش حدها مربعة فوق السرير تتبكي او تتفكر ماماها اللي كوراها مخلوعة عليها . بعدما غوت تلمهدي على مريم او ما جاوباتوش طلع ليها الفطور لبيت مالقهاش دار على كاع البيوت حتى لقى واحد مسدود تي سمع صوت بكاها . مهدي : مريم .. مريم .. حبيبة حلي هاكي الفطور .
مريم: بعد مني . حل

28* بعد مني حل ليا الباب خليني نمشي لدارنا . مهدي : وحلي بعدا نتي هد الباب او نتفاهمو . ناظت مريم حلات الباب .
مريم: علياش غنتفاهمو ؟ واش غدي تخليني نمشي ؟
مهدي: اه ولتكن بي شرط ،. 
مريم: اشنو ؟
مهدي: بغيتك دوزي معايا ليلا حمراء بي الخاطر 
مريم: قلبات عليه البلاطو خرج بعد مني اعدو الله . معمرها تكون ليك واخة تنطابق السماء مع الارض خرج عليا .
مهدي: اوك ايوا على خاطرك بقاي هنا حتى وكان تبغي نتي منك لراسك او ديك الساعة قوليها ليا حتى انا مازربانش . نيت كلما طولنا في العيشة مع بعضياتنا كلما بغيتيني اكتر .
مريم: بقى تحلم واخة تبقى نت بوحدك على وجه الارض الشماتة يا شياطة ديال الرجال . 
مشى المهدي او خلاها كتسب بدل حويجو او مشا خرج من الفيرما متاجه للمطعم اشوف فين واصلة الخدمة . او هو جالس في المكتب جا عندو فؤاد . 
فؤاد :السي مهدي هديك البنت ماجاتش ليوما .
مهدي : انا بنت ؟ 
فؤاد: مريم.
مهدي: اوا شدات 10000 درهم اشبغات مزال بي الخدمة . مهم بغيتك توجد ليا الغدا اومبورطي ديال شخصين . انا غنمشي نطل على الشريكة او ديك الحريرة دبال الحريق الي شعل في المخزن . نبغيك توجد ليا تقارير ديال الارباح هد الشهر . نشوفهم . فؤاد: واخا اسي مهدي كون هاني . مشا المهدي بعدما خدا العنوان ديال دار مريم من فوطوكوبي البطاقة اللي في ضوسي ديالها .

29* وصل المهدي للدار دق مالقى حتى واحد طلت عليه واحد المرا كبيرة جارتهم . الحاجة: اوليدي ... اوليدي واش كتسول على شي واحد ؟ 
مهدي : سلام الحاجة : اه كنسول على مولات دار .
الحاجة : اولدي مولات دار دابا راها تتكون خدامة ما تتجي حتال 6 ديال العشية . ياكماباغيها على شي حاجة . او شكون نت واش كتجيها من العائلة ؟
مهدي : في صراحة انا ولد عمها شحال ما بقينا تشاونا من صغر مع كنت في الخاريج او ملي هبطت المغرب قلت ندير زيارة لحباب نشوف راجلها او وليداتها .
الحاجة : اجي اوليدي ملي جاي من طريق بعيدة دخل شرب كويس اتاي عند موك الحاجة . لالة فاطمة راها بحال بنتي. او متها نيت نعود ليك عليها مسكينة. 
مهدي جاه فضول انه اتعرف على عائلة مريم دخل عند الحاجة . تجمعو على كاي اتاي او بدات تتسرسب ليه عودات لبه كلشي من نهار سكنو في ديك الدار

30* الحاجة : اولدي هدوك الناس الله اعمر ليهم دار كانت عيشتهم كيتمناها كل شخص . كان سي احمد الله ارحمو مهلي في لالة فاطمة ما مخليها خاصها حتى خير حتى من الجيران كلهم ماكينش اللي تيدكرو بي شر .
مهدي: كيفاش الله ارحمو واش مات؟ 
الحاجة : ايه اوليدي مات بي كسيدة مسيكين . نهار تزادت عندهم بنتهم الاولة مريم كانت هديك هي الليلة المسعودة ماقداتو فرحة دار خزانة كببرة عرض فيها على كاع الجيران اللي عرف او اللي مايعرفش . كان تي تهلا في ولادو او في الناس . ولدو وليد الصغير حتى هو ماقداتو فرحة عليه . ايييه اوليدي عوينة او خرجات فيهم . لالة فاطمة مسكينة قصات مورا ما مات راجلها . ما كانوش دايرين لزمان تاويل . اللي جابو الليل اشحطو النهار . مرضت ليها بنتها مرض خيب . 
مهدي: كيفااااش مرض خيب ؟؟
الحاجة: ايه اوليدي جاها هداك المرض تتقولو ليه نتوما النفساوي ما بقات تهضر ما بقات تاكل ما تشرب .
المهدي : اااه النفساني.
الحاجة: ايه هداك ايوا مسكينة تبوهلت في مخها ولات تقول ليهم بابا باقي هي ماماتش . عادا باش داتها لالة فاطمة مسكينة عند واحد الطبيب راه معروف . نسيت على سميتو اوليدي داكرة تتخوني.
مهدي: ماشي مشكبل الحاجة غير كملي.
الحاجة : ايوا خصرات زبالة ديال الفلوس . كانت كديها للحصاص على ماعودت ليا كل حصة كانت تحط فيها دمسة ديال الفلوس . اويوا جاب الله الشيفاء على يدو او ولات شوية تتهضر او تاكل او تجمع مع الناس . ولاكن على ماعودات ليا مها باقى متبعى عند طبيب تتمشي عندو من 6 شهر لست شهر او الدوا ديما خاصها تشربو الى ما شرباتوش كترجع لديك لامزة او لا ماعرفت اش تتقولو ليها . مهدي: ازمة الحاجة اهاه كملي الحاجة .
الحاجة : ايوا اوليدي لالة فاطمة راها تخدم ليل او نهار في واحد الشركة خياطة مداربة مسيكينة مع

31* مع الزمان . او بنيتها مريم راها تتقرا مسيكنة في داكشي ديال توكين (خهخ تكوين.الحاجة تتلعب في الحروف كيفما بغات) ديرة داكشي ديال اللييز (الريزو زعمة) تبارك الله فينما كان شي طرطنيت (انتيرنيت) خاسر فيه شي حاجة تتصيبو . كاع مالين دوك الحوانت ديال طرطرنيت هي اللي تتصيبهم . او هد ليام مسكينة خدمات في واحد القهوة كرسونة تماك تعاود ليا مها محترمة او كي جيو ليها غير الشخشيات (الشخصيات) اللي لباس عليهم مسكينة محنة تتجي مهلوكة او تتظل تحفظ في الليل عوتاني . الله ارضي عليها بنيتي . او شي كفارة محسادين مروجين هد الايام بلي راها تتفسد معا ولات تجي معطلة . الله القيها ليهم هي شرف منهم بنيتي مسيكنة مرة مرة كتجي طل عليا او تعطيني حقي من الماكلة . اما وليدي صغير راه تي قرا في الروض . اوا هدشي لي كين اوليدي .او نت واش مزوج عندك شي وليدات ؟ 
المهدي : مصدوم (معمر شي واحد سولو واش عندو وليدات ) لا الحاجة باقي هد الساعة . ياكما عندك ليا شي عروسة هه؟ .
الحاجة: اويلي اوليدي او مازينك راجل طويل او مبندر شعرك مفرفر على مازينو كحل توتا او بي عينين او حجبانك او باقي مامزوجش هااااويلي حي سير درب الفدك في راسك امكن مديورا ليك شي حاجة شي نحس او لا تابعة هديك (الحاجة تتغزل في سيد او زادتها فاش قلباتها شوافة ) 
مهدي: ههههههههههههه ياك الحاجة اوى صافي انا هد المرة ملي نبغي نجي مزوج كوني هانيا . ماسخيتش بيك الحاجة او بي كويس ديال اتاي ديالك ولاكن خاصني نمشي مزال خاصني نزور شحال من واحد . عافاك ماتقوليش ليها راني جيت بغيت نديرها ليها مفاجعة(مفاجئة ). سيد جلس مع مي لحاجا غير ساعة او هو اتلفو ليه الحروف هه) . الحاجة: واخة الوليدي كون هاني منقول والو . او الله ارضي عليك . نوستيني (ونستيني)في هد سويعة .

32* المهدي خرج شد طريق لشريكة بعدما شاف خوه او طمن على الوضع في الشريكة سينا شي وراق او خرج داز الاوطيل حتى هو لقى حسنا مسيرة الامور كما يجب ( دبا جا الوقت نقوليكم اشنو هي العلاقة اللي كتجمع ما بين مهدي او حسنا . هما كانو اصدقاء عاديين . ولاكن بعدما كان مهدي على علاقة بي واحد البنت الي كان مستعد ادير اي حاجة على ودها عمرو ما قصها ولا طالبها بي شي حاجة من داك الشي . كان مبرعها فلوس او كدوات . السيارة المخيرة كانت تتركب عليها . بعدما طالت علاقتهم قرر واحد النهار اتقدم ليها . فعلا ديك الساعة هو كدب عليها قاليها بلي عندو شي سلعة غادي اجيبها من فرنسا او بلي غادي اغيب يومين اولا 3 ايام . فعلا مشى مهدي شرا كل مستلومات الزينة . كان بغى ادير ليها مفاجئة في الاوطيل دبال العائلة اللي هي معرفاهش بلي ديالهم . او هو هابط من سيارة . حتى كتبان ليه البنت اللي كيبغي او ناويها الحلال مع واحد لبسة شي لباس كلو مكشوف او ماكيا او مشادة مع هداك الخينة اللي معاها حاول اتبعهم حتى دخلو للكافي اللي في الاوطيل . شوية جبدات كارو تتكمي هو تصدم في ديك اللحظة مايمكنش تكون هدي هي البنت البريئة اللي كنت بغاها . تبع المهدي داك خونا تي بان ليه تي هضر مع واحد تماك في الاستقبال مد ليه يدو عطاع فلوس او خدا من عندو المفتاح . مهدي تصرف بي عقلانية خلاهم حتا دخلو الغرفة عدا باش حل عليهم الباب اول حاجة دار جرا على داك خونا او شبع تصرفيق في ديك البريئة او جرا عليها بعدما سينات ليه على تنازل على جميع الممتلكات اللي كان شرا ليها . هبط جرا على هداك اللي في الاستقبال . من تمت او المهدي حاقد على البنات اي وحدة كي تلاقى معاها كي تفلة عليها وي خلها حتى تلاقة مع حسناء واحد النهار كانت صديقة الدراسة بعد حديت طويل . حكا ليها على

33*على داكشي اللي طرا ليه . هي وقفات معاه في الايام الولى . من بعد داكشي تخلط او تجلط هههه في لحظة ضعف منو او منها قضاو الغراض . هو كان قاليها بلي معمر شي حاجة غديا تكون بيناتنا واخا دوزنا هد اليلة . او هي بي دورها ما كنتش تتنتاظر منو انو اتزوجها . يعني صداقتهم كانت مبنية على تفريغ الغرائز فقط كلما ضاقت بيه الوقت كي تجه لحسنا . او باش تبقى حسنا قريبة منو خدمها في الاوطيل . كلفها بي تسييرو . كنظن دبا فهمتو بديتو تتفهمو غموض او تصروفات مهدي . ) نمشيو نشوفو مريم اللي نسيناها .

34* مريم مسكينة اللي غارقة في دموعها كتفكر في ماماها او خوها . في لحظة ناظت خرجات من البيت . 
مريم: ماغدياش نستسلم اكيد غديا نلقى شي مفر مشات تتقلب في البيوتة ماخلات حتى قنت ماقلباتش فيه شوية حتى تي بان ليها واحد البيت مسدود بي الساروت جاها فضول انها دخل تشوف اشنو فيه قلبات على الساوت او والو مالقاتوش شوية او هي تفكر انه اقدر اكون حاطو في شي بلاصة في البيت عندو دخلات تتقلب البلكرات او المجورا حتى تاتبان ليها علبة فيها مجموعو دبال المفاتح هنا مربم فرحات قالت اخيرا غديا نخرج من هد القهرة . هبطات لتحت باش تحل الباب والو جربت كاع السوارت حتى واحد ما بغى اتحل حبت حتى هو مرتبط بي جهاز تحكم . طلعات مريم لهداك البيت . مريم: هدا هو الامل ديالي الوحيد ياربي نلقى ساروت ديال الباب من هد السوارات بدات تتجرب ساروت بي ساروت حتى لقات الساروت اللي فتح ليها البيت . دخلات البيت كان مظلم شحلات الضو حتى تي بان ليها كارطونات مستفين او فوق واحد الطابلة كين واحد الكتاب كبير . اول حاجة دارت هي بقشات دوك الكراطن تتلقى كادويات او اكسيسوارات حمرين او فضين او علبة فيها كولي مرصع بي الالماس او بواطة صغيرة فيها خاتم كي حمق . رجعات الكراطن فين كانو او هزات الكتاب تتلقا انة كتاب اسرار شخصية . يعني كل حاجة دارها مهدي تي كتبها في هداك الكتاب . مريم كانت من النوع اللي فضولي بدات تتقرا او بلا ما تمل ملي مشى مهدي اقرا في فرنسا ..... او مشاكل اللي وجهاتو او غيرتو من خوه . كانو وليدين المحدي تي بغيو حميد اكتر من المهدي هدا احساس كان تي حسو . نغامست مريم في القراءة . شوية او هي تسمع صوت سيارة . سدات الكتاب او حطاتو فين كان او طفات الضو سورتات البيت . او تاجهت للغرفة ديالو باش ترد الساروت للعلبة او هي خارجة من الغرف

35* او هي خارجة من الغرفة تتسمع صوت ماشي كصوت خطوات المهدي مشات تتجري تخبات في واحد البلاكار كين تحت من الدروج ديال الطبق العلوي او هي تسمع صوت مؤلوف حاولت تميز الصوت اه هدا حميد ولاكن شكون هي البنت اللي معاه . ولاد الحرام هادو ديرين هد الفيرمة للدعارة قلالين ترابي الله اهدهم . كلاب . مريم سمعات ضحكة ماخفياش عليها اه هدي حسنا اللي معاه ولاكن اش جاية دير هنا بزاف ديال التساؤولات تتروج في دماغ مريم . شوية تتسمع صقيل خرجت بي شوية تتسلل حتى قدرات توصل لصوتهم دخلو لواحد الغرفة . الغرفة اللي فيها المكتب او بقاو تي هضرو . كنسمع في حميد تي قول لحسنا خاصنا نوحلوه ا حسنا باي طريقة خصنا نتهناو منو في اقرب وقت قبل ما يعيق بينا راه تي بان ليا هد الايام تي قلب في الضواسا او التقارير . الى مشى حتى طاح فيدية الملف الصفر راه غنمشيو فيها كلنا . هدشي علاش بغيتك تشغليه هد الايام بينما نسينيو على الصفقة . حسناء : كون هاني ا حبيبي مهدي ضربو على حسابي انا غديا نخليه ابعد منك هد الايام ولاكن نت زرب على دوك خوتنا خلاص باش نسينيو او نتهناو.

36* مريم : ولاد الحرام وليني هدو يهود ماشي مسلمين الله انعل بو الفلوس اللي تخلي الخوت هكدا . بلاتي انا مالي من هدشي كامل اموت كاع استاهل . ضيع ليا شرفي. انا لو كانو قتلوه احسن .
خرج حميد او حسنا او سدو الباب انا مشيت تسللت هبطت لعلا واعسى نلقى ابغي اتحل ليا الباب سعى والو . كريشتي تتغوت بي الجوع . هبطت للكوزينة نقلب على مانحنجر . مهدي في هد اللحظة تاجه لدار مريم عود باش اهضر معاها . دق في الباب او خرجات ليه لالة فاطمة . 
مهدي: سلام عليكم ، لالة فاطمة ام مريم ياك .؟
لالة فاطمة : اه هي انا ياكما كين باس مال بنتي اشنو وقع ليها . 
مهدي : غير تهناي الالة بنت راها بيخير او تتسلم عليك راه انا المدير ديالها . عندنا واحد الشريكة فتحات الفرع ديالها في اسبانية او كان خاص شي واحد تي تكلم بالاس

37* تي تكلم الاسبانية نسيفطوه . او مالقيناش حسن من مريم في النزاهة راها كانت غديا تجي باش تشوفكم ساعة موعد الطائر كان مع 10:00 جات خدات حويجها اللي غديا تحتاج او مشات نيشان المطار مهم هد البراكة خليها ليك قضي بيها مريم ملي تكمل الخدمة غترجع او حتى من السونطر راني هضرت معاهم . مهم انا جيت باش نطمنك عليها . مهم هدا الرقم ديالي ايا حاجة حتاجيتيها تاصلي بيا . رته كانت قالت ليا نصيفط ليها سميت الدوا ديالها . 
لالة فاطمة : اه واخة انا نمشي نجيب ليك سميتو . طلعات لالة فاطمة جابت ليه سمية الدوا . او طلبات منو باش اجيب ليها خبار بنتها . 
المهدي : كوني هانيا الالة فاطمة . خليت ليك الراحة.
مشا المهدي للمطعم خدا الماكلة او من بعد شد طريق للفيرمة . في هد الساعة مريم دخلات عوتاني للبيت تتقرا في الكتاب . مهدي وصل عند الباب ديال الفيرما مريم ماجتبت دنيا خبار وصلت في الصفحة اللي تي عاود على حبو الاول . شوية او هي تسمع صوت السيارة طلات من نافدة بان ليها المهدي نازل من السيارة . مريم ضربتها بي جرية . سدات ااباب او مشات تحط السوارت او هي خارجة من البيت

38* تتسمع في مهدي دخل الكوزينة او تي غني . خرجات بي شوية مشات للبيت او سدات عليها . شوي او هي تسمع خطواتو تي قربو . مهدي: مريم ... مريم. حلي الباب . مريم : اش باغي عطيني بي تيساع مابعيتش نشوف كمارتك الشماتة عيفة الرجال . 
مهدي : وحلي نهضر معاك او لا نحل باب بي طريقتي .
مريم : تفو تفو قتلني او هنيني لاش مزال حبسني اش بغيتي من عندي . 
مهدي: وغير حلي بعدا . 
ناضت مريم حلات الباب . اشنو بغيتي 
مهدي: اجي ناكلو بعدا انا راني سخفان بي جوع . 
مريم: تاكل فيه السم . كلو برا من بيتي خرج عليا .
مهدي: صافي دغيا رديتيه بيتك ههههخ . بديتي تتولفي .
مريم: عافاك خليني نمشي او انا كنحلف ليك ماعمرني نقول هدشي لي طرا از معمرك تشوفني . عير خليني نمشي عند ماما او خويا راني توحشتهم او بدات مربم تتبكي .
مهدي : ماماك راني مشيت لعندها او هضرت معاها راها بيخير او على غير .
مربم : كيفاش هضرتي معاها ؟ 
مهدي: مالك مكلخة راني مشيت عندها للدار .
مريم : اشنو قلتي ليها ؟ 
مهدي: قلت ليها بلي راكي في اسبانية صيفطاتك الخدمة . 
مريم : عدو الله حرام عليك خليني نمشي لدارنا عفاك والله منقول شي حاجة لشي هد .
مهدي : وكولي بعدا هو الاول .
مريم : مابغياش ناكل خليني نمشي غير لدارنا .
مهدي : الا ماكلتيش والله ماغديا تعتبيها من هنا .
مريم: اوك انا غديا ناكل ولاكن حلف بلي غدي تخليني نمشي .
مهدي :والله حتى نخليك تخرجي او انا اللي نوصلك حتى الباب الدار . 
مريم: عنداك تكون دير فيه داك المنوم . ؟ 
مهدي: هههههه والله ما داير فيه شي حاجة انا غدي ناكل معاك

39* مريم ماكلات حتى بد كي ياكل المهدي . شدات الطبسيل قلبات الجيهة الي كان تي ياكل فيها لجيهتها . مهدي : وماكاتيقيش يارب السلامة هدشي غير حلفت ليك . مريم : انا معمرني نتيق غي واحد بحالك . حبسات الماكلة مهدي بغيت نسولك. مهدي: وي سولي 
مريم: علاش انا بي ضبط واش على قلت البنات ماقداكش حسنا . انا كنت على نيتي بغيت غير نعاونكم . هدي هي دير الخير مايطرا باس . عرفتي واخة نخرج من هنا معمرني نسمح ليك ضيعتي ليا شرافي . انا اللي ماعمر شي ولد حط عليا يدو ولا قدر اهضر بي فمو عليا . وليت مغتصبة . منسمحش ليك المهدي . 
المهدي : تاتر بي كلام مريم او تفكر كلام حالجة خرج او خلاها . 
مشا البيت ديالو او بقى تي غوت وي بكي . انا حمار خرجت على البنت . كان اسحابلي بحال هدوك المسخات . يارب نت اللي علم بيا غفر ليا او سمح ليا على هدشي اللي درت في هد البنت اليتيمة . لوكنت عرفت قصتك من الاول كنت قطت اليد اللي تحط عليك . مهدي جاتو نوبة عصبية ولا غير تي هرس اللي لقاها هدامو تي دربها . يدو كلها رجعات دميات . مريم تتبكي في البيت حتى كتسمع صوت التهراس ماتسوقاتش كملات على بكاها

40* الصوت ماحدو غادي اوكي تجهد مهدي ماقدوش البيت اللي كاع هرسو خرج للصالة حتى هي كاع هرس ليها ديكورات . مريم خرجات تشوف اش واقع حتى تي بان ليها مهدي يدو كلها تتقاطر بي الدمايات او راسو حتى هو . تمت هابطة في دروج تعكلت طاحت . سيد مامسوقش هيج وقفات مريم بعيدا عليه . مربم : امالك اش هدشي كدير فيه . مهدي : بعدي من هنا امريم . مريم: وخلي عليك الاتات في تيساع الى جاك الصرع خرج الخلا . مهدي : جاتو الضحكة . شكرا على نصيحة . الدار داري ندير فيها مابغيت نتي اشنو مشى ليك مريم : الجهل ان شاء الله موت نت كاع انا اش مشى ليا غديا غير نتهنى منك او نهرب . مهدي : الا كان موتي غدي اهنيك اخي معاها . مشى لعندها او جرها بيدو زير عليها يدو كتساقر بي دم هي تتشوف في يدو داها الكوزينا جبد واحد الجنوي . مهدي :حاكي قتليني او تهناي او خليني حتى انا نتهنا . مريم كتشوف في يديه اللي كلها تتسيل بي دم . مهدي: هاكي فاش كتسناي قتليني او تهناي . مريم : خدات الجنوي من يد المهدي او بقات تتشوف قربات منو المهدي: تيتسنى في الطعنة في خاطرو كي شهد او كي طلب من الله اغفر ليه

41* لاحت الجنوي او قالت ليه انا ماشي قتالة الى نت ضيعتي ليا شرفي انا حقي غديا ناخدو غدا امام الله . زيادة على هدشي مانيش حمقة نقتلك نت تموت تهنا او انا نكمل حياتي في الحبس . خليتك منك المولاك . مشات طلعات البيت او خلاتو سدات عليها او بقات تتبكي حتى نعسات . اما المهدي فا مابغى اغمض ليه جفن داوا يدو او مشى توضا او صلا ( اه مقلتش ليكم المهدي كيصلي او كيقطع . الله اهديه دعيو معاه البنات) بقى كي طلب المغفرة قرا شوية القراءن من بعد مشى دخل البيت السري هز الكتاي او عاود كلشي على الندم ديالو او حتى ملي مشا عند الحاجة او على الكلام اللي وجهات ليه مريم . من بعدما كمل الكتبة مشا رجع لبيتو بقى كي فكر اشنو ادير باش اصلح الغلاط ديالو . طاحت ليه في بالو اتزوجها . بقى شحال او هو تي فكر في هد الموضوع الليل كلو مانعس . حتى صلى الفجر عادا باش غمض ليه جفن . مع الصباح فاقت مريم دوشات او خرجات من البيت هبطات لصالة لقاتها كلها مرونة او مهرسة . بقات تتجمع او تتنقر . مريم: تفو مصعور واحد اهرس او واحد تبقى ليه تمارة . اجي انا مالي سوقي لي جالسة نجمع . خلي الروينة اجمعها او لا اخليها هو اللي رون انا مالي دخلات المطبخ لقات قطرات الدم في الارض مسحات دوك الدميات او تراجع معاها الحال مشات جمعات الصالة . المهدي هابط في الدروج كي تسلت غير بي شوية . لقاها تتجمع فديك الروينة . مهدي : هاي هاي راكي حادقة تصلحي تكوني مراءة ديال الزمان . مريم: منخلاه او من لداخل راها تتفور . باركة تجمع في الجاج حتى ضربات يدها . او معا هي دمها سخون ما بغاش اتحبس ليها الدم .جا المهدي كي جري جاب ليها ضماضة او بوماد ضد الجرتيم . جر ليها يدها جلسها فوق الفوطوي او هو جلس عند رجليها قفازي لاول مرة مريم كتحس بي شعور مختلف اتجاهو بانو

42* بانو في عينيه الخوف على مريم . دوا ليها الجرحة او ناض بلا ما يتكلم بدا كي جمع في جاج . مريم : نطقات. بقيتي حتى قوستي عليا . مهدي: هههههه اودي نتي اللي راك فنيانة اسحابلي راكي حادقة ساعة والو مفضية . طلعات مريم البيت او خلات مهدي تي جمع في الجاج بعدما كمل دخل المطبخ وجد الفطور او هزو باش افطر هو او مريم في بيتها حيت عارفها ماغدياش تبغي تهبط . دق عليها ناظت فتحات الباب . مهدي: الفطور واجد ياله نفطرو . مريم مابغيتش . ياك قلتي ليا بلي غدي تخليني نمشي و طلقني عفاك لاش مزال حابسني راني توحشت ماما او خويا مهدي غدي نخليك تمشي غير صبري نقاد شي امور . مريم: انا امور ؟ انا اشنو دخلني في امورك انا بغيت نمشي غير لدارنا . مهدي : غديا تمشي لداركم قريب . مريم : ضيعتي ليا كلشي شرافي او مستقبالي اللي على ودو حطيت رجلي في هدك المطعم حتى هو ضاع. مهدي ناض او خلها ما بقاش كي قدر اسمع هديك الهضرة كدرو في قلبو لبس المهدي حويجو او مشا المطعم اشوف فين وصلات الخدمة من بعد مشا للشريكة وصلات 18:00 او هو امشي عند ام مريم دا معاه الصور ديال مربم ملي كانت في الحفل . قاليها بلي مريم صيفطاتهم ليك باش تعرفيها بلي بيخير . راها كانت في حفل عشاء عمل . لالة فاطمة فرحات ملي شافت بنتها . المهدي: راها غديا تاصل بيك امكن هد اليلة خلي تليفون حداك

43* مشا مهدي تقدا شي اغراض للي خاصين او خدا لمريم شي حويح او اللي تلبس او مانساش ليها الملابس الداخلية او فوطة الصحية (اهيا ناري سيد حافظ) او تاجه للفيرما في هد الاتناء اللي كانت فيها مريم جالسة تتقرا في الكتاب ملي خرج اوهي جالسة تقرا حتى وصلات فين حنا دبا .حتى هي ولات تتسنى بفارغ الصبر تقرا داكشي اللي تي كتب نهدي . الكره اللي كانت تتحس بيه اتجاه مهدي بدا تي تناقص كلمى قرات مريم جزء كلمات نقص كرها للمهدي . بعدما كملات القرايا خرجات عود بي دون حس ولا خبر من البيت او ردات السوارت لبلاصتهم . ملقات ماتدير هبطات للصالة بقات كتفرج حتى جا نهدي هاز نعاه التقدية دخل شي حاجة المطبخ او الحوايج الاخرين عطاهم لمريم قاليها هد الحوبج جبتهم ليك باش تلقاي باش تبدلي . مريم : علاش واش مازال ماغديش تطلقني نمشي لدارنا . مهدي لا مزال شوية . مهم راه سلمات عليك ماماك او راني ديت ليها تصاور دبالك ملي كنتي في الحفلة قلت لبها بلي كنت في عشاء عمل او صيفطتيهم ليها باش تشوفهم . دبا هاكي تاصلي بيهت بي الحق واياك تليني ليها شي حاجة نتي راكي في اسبانية . ركب واحد الرقم او لواحد الابليكاسيو باش تطله لبها رمز محمول اسبانيا او دخلت مربم تلنمرةكانت فرحانة اوماقداها فرحة ملي سمعات صوت ماماها او هضرات معخوها حتى هو .مريم حابسة دموعها غير بزز ودعات ماماها او غير قطعت او هي تسرحها على البكا . مهدي: ندمتيني ملي درت فيك هد الخيراو عطيتك تهضري مع داركم . مربم: بعد مني عطيني بي تيساع

44* مشا مهدي او خلا مريم بوحدها بدا كيوجد في الماكلة اللي جاب معاه . نشى لصالة اعيط على مريم لقاها مغيبة تفكر الدوا مشا طلع تي جري الغرفة ديالو غدا الدوا اللي مولفة كتشرب . بدا تي حاول افيق فيها غير حلات عينيها عطاها الدوا شرباتو او تمددات نص ساعة او هي ناعسة . هكدا كيدير ليها ملي كتقطعو او تعاود تشربو تي نعسها . المهدي جالس عند راسها او تي شوف في ملاميحها البريئة . كتبان او هي ناعسة بحال شي ملاك . (بحالي انا هعحخ) شوية او هي تفيق .ناضت جمعت الوقفة تتقلب في راسها ، اشنو درتي ليا عوتاني . مهدي : اتي جلسب اشنو غندير فيك غرضتك او درتك قطبان متلا . جلسي راتاحي راكي غيبتي . علاش مكتشربيش دواك ؟ مريم: تقادا ليا من نهار خطفتيني . مهدي: ساعة قوليها ليا نجيبو ليك . مريم: صافي دابا بعد مني ماكيهمكش حد الشي

45* داز 3 ايام او مهدي ما كيهدرش مع مريم حدو كي وجد ليها الماكلة تي حطها حدا الباب كي دق وي مشي . مريم تعجبات من امرو . نهار الخامس او هي جالسة في البيت حتى كتسمع صوت شي سيارة وقفات طلات من النافدة كتبان ليها حسناء داخة الفيلا . مريم تخبات او شوية وقفات سيارة اخرة . حسناء متاجهة للمكتب تبعها داك الشخص كنسمع مشدات ديالهم في الكلام . هد الصوت ديال حميد او حسناء كيهضرو على شي سطوك . حميد: (راه الى مشينا حتى حصلنا او تشدات السلعة نت غديا المسؤولة الناس اللي خدامين معاهم ماكيتفلاوش اي خطاء كان تي تقطع فيه الراس ). مريم: اويلي هدو تيتاجرو في الممنوعات ناري اميمتي فيمن طحت.حسناء: علاش انا سباب حنا بي 2 بينا داخلين في هد الافير . يعني الا مشيت فيها انا ف حتى نت غدي تمشي فيها . دبا خلينا نفكرو في شي خطة باش نقدرو نخرجو السلعة من المغرب . حميد: عندي واحد الخطة هد الاسبوع كينة واحد الفياج ديال التوب غدي امشي للموريطانيا . حنى غدين نحطو السلعة تماك . او من بعد نقدرو نفرقو السلعة على 3 اجزاء باش نجتنبو اي خسارة . حسناء : لا انا عندي خطة حسن من هدي . او من هد الخطة نقدرو نضربو عصفرين بي حجر واحد. حميد : اما هو ؟ حسناء : خوك مهدي . مريم: ناري على كفارة هدو راهم عصابة

46* حميد: مالو ؟ حسنا: هو اللي غدي اخرج السلعة حميد: واش بي عقلك ؟ لا لا نتي باين ليا بديتي كتحماقي . حسناء : سمع بعدا الخطة اللي عندي او حكم . حميد: غير نساي هد الخطة عليك نتي باينة باغى تخرجي علينا مافيهاش . حسنا: وغير سمع . المهدي غدي اسافر بعد غدا لروسيا . على ود المطعم الجديد اللي غدي اتفتح . حنا غدين نديرو السلعة ديالنا وسط الالات اللي غدي ايدي معاه . ملي غدي انزل لتركيا نخرجو السلعة او نخليو شي جزء منها في الالات . او الجزء الكبير هو اللي غناخدو عندي ناس تماك غدين اقدرو اخرجو السلعى على طريق البحر . ايوا ملي سيدهم المهدي احط رجليه في مطار روسيا نعلمو بيه . او في هد الحال غدين نكونو خرجنا السلعة ديالنا تفكينا منها او تهنينة من خوك اللي واقف لينا في طريقنا . حميد: ما يقد عليك حد . برااافو . ولاكن الناس اللي كتعرفي واش تيقة . راني قلت ليك الناس اللي خدامين معاهم ماشي ديال اللعب . حسنا: كون هاني او حتى من الجزء اللي غدي احصلو عليه غدي اكون من الدرجة 2 . انا غديا نقاد كلشي غير تهنا ولاكن . ماتنساش الاتفاق دبالنا . حميد : برافو اوك . لا الاتفاق مانسيهش غير نكملو من هد لافير او لوطيل ايولي ديالك . مريم: وليني ولاد الحرام . مريم خاصكي تحركي ديري شي حاجة . حميد : دبا هد الملف غدي نخليه هنا حيت هنا المكان الوحيد اللي مايقدر اوصل ليه حتى شي واحد من غيرنا بي 2 . حسناء: واش متاكد راه الى مشا حتى طاح في يد مهدي او لا البوليس غنمشيو فيها . كلشي لافيرات ديالنا كينين هنا . حميد: لا لا كوني هانية انا او اونتي اللي كنجيو لهنا . مهدي مابقاش جا من نهار كان مع هديك خيتي . خرج حميد او حسنا ركبو سياراتهم مريم . خرجات طلات عليهم من النافدة باش تاكد بلي مشاو .بعدما تاكدات هبطات المكتب

47* تتقلب على الملف والو مالقاتوش شوية خاسات تتفكر كلامهم . كانت سمعات المرة الفايتا بلي الملف الصفر . قلبات الخزانة فينما ابان ليها شي ملف صفر كتجبدو . والو ما بان ليه لاتار شوية طاح ليها ملف او توزعو الوراق اللي فيه جلسات تتجمع بانت ليها ورقة مخشية تحت المكتب خشات راسها باش تجبدها اوهي ضرب راسها مع الحاشية. مريم : اااااي راسي تفو . مصيبة . انتابهت انا الضربة كانت من واحد الجيهة رطبة تحدرات تشوف تحت المكت او هي تلقى الملف فرحات . جمعات الروينة اللي دارت . او هزات الملف . دخلات البيت سدات عليها او بدات تتقلب في الملف . لقات فيه روينة .او كواريت حابكينها هدوك 2 . اشمنك يا اختلاسات في الشركة . او امضاءات على وراق خاويين . او تجارات مشبوهة او زيد او زيد . مريم : ولاد الحرام . لاعبينها او عارفين كيفاش لاعبينها . دابا خصني نفكر كيفاش غديا ندير حتى نمنع المهدي من السفار او كيفاش غديا نعطيه هد الملف اوووف انا مالي من هدشي كولو اش دخلني فيه . لا لا هو ندل بصح او حيوان ولاكن خليتو منو الله هدشي بعيد من داكشي اللي دار ليا . الانتقام ديالي بوحدو . وققات سيارة المهدي حبط منها او هو هاز في يدو بلاستيكات فيهم الماكلة . دخل حط داكشي في الكوزينا او طلع لبيتو ادوش . مريم خرجات من البيت بعدما خبات الملف او هبطات للمطبخ ستفات التقدية او حطات الماكلة في طباسل . وجدات الطابلة . او جلسات تتسنى . هبط المهدي لقى مريم جالسة . مهدي : سلام مريم :سلام مهدي او هو واقف . غير كولي بصحتك بلا ما تسنايني . مريم : اوك مشا مهدي لصالة . بدا كي صلي بي الجهر .مريم كتسمع القران تدهشات ناضت كتسلل لقات مهدي كي صلي . تمك حسات مريم بي شعور بي الامان او عجبها الحال بزاف ما كنتش متوقعة بلي بحال هد النوع تي فكر لله

48 * مريم بقات مقبلاه من بعيد حتى كمل صلاتة او هز يد لسما كي طلب من الله الغفران من داكشي اللي دار لمريم . حنا مريم مقدراتش تصبر دموعها خنوها مشات رجعات للطابلة سمعات خطوات مهدي جاي او هي تمسح دموعها . جلس مهدي . مهدي : باسم الله . او بدا كي ياكل (مهدي تغيير بزااف او هو راه كي حاول اصلح الدنب اللي دار منحرقش الاحدات ) . مريم: الله اتقبل . مهدي: امين منا ومنكي صالح الاعمال. . مريم بغيت نقوليك بلي غدا لن شاء الله غدي نديك لداركم كنطلب منك السماحة انا معمرني كنت هكدا ولا توقعت اني نكون هكدا . دبا الطلب الوحيد عندي هو تسمحي ليا . مريم ساكتة ماجوباتوش كملات ماكلتها او طلعات البيت . مريم: تتبكي الله ياربي الله اش هدشي وليت كنحس بيه .هدا راه مجرم غتاصبني او خرج ليا على حياتي كيف غديا ندير حتى نسمح لي او هو ضيعني . لا امريم وياااك هدا راه هو اللي تكرفس عليك وياااك تسمحي ليه . بقات مريم في حيرة مابين انها تسمح لشخص لي خدا منها اغلى ما تملك اي بنت . ان الله غفور رحيم او مابين انها تشد في راسها او مضعافش تقتل العاطفة اللي عندها باش تقدر تنتاقم من بعد . اما المهدي فبقى في حيرة ما بقاش تي بغي اجيه النعاس من قوات التفكير في هداك النهار المشؤم النهار اللي قرر افض بكارة بنت بريئة اللي كان الحلم ديالها الوحيد انها تكن مستقلة ماديا او انها تعاون ماماها او خوها البنت البريئة اللي دمر ليها مستقبلها . مهدي : مريم انا غدي نعوضك على جميع الاضرار اللي دوزتهم عليك . غير صبري عليا نفوك الحرير مع هدوك الشلاهبية.. ماغديش نتخلى عليك وخا اكون التمن هو حياتي

49* معرفتش المهدي شنو بغا اقصد بي الكلام الاخير ولاكن باين ليا بلي هد الحريرة راها محرحرة نيت . انا بعدا ما بقيتش فاهمة هد المهدي البنات تبدل 180 درجة مهم يالاهو تبعوني بي عينيكم نمشيو نشوفو اشنو طاري في اوطيل . شاف اشرف : سناء . قولي ليا فين غبرات مريم . او كيفاش قضية خطوبتها بي السي حميد ما بين نهار او ليلة . سناء: والله ما عرفت انا من نهار الحفل ما شفتهى . كنت كنسربي حتى جات عندي انا معرفتهاش بي اللوك الجديد حتى قالت ليا بلي راها مريم . او واعداتني بلي غديا تشرح ليا كلشي ملي نتلقاو او من تماك ما بقيت شفتها كنتاصل بيها او تيليفون كنلقاه مطفي حتى دارها معرفتش بضبط فين جات . شاف اشرف : ايوا على الله تكون بخير . سناء: داكشي اللي كنتمنى . مهدي في هد اللحظة كان كي جمع الحوايج مشا دق على مريم مريم: اشنو بغيتي . مهدي: وجدي راسك باش ترجعي داركم . مريم في هد اللحظة قلبها تقبط ماعرفات واش تفرح او لا تحزن . غرغرو ليها عينيها . في لحظة او هي تمسح دموعها اويلي امريم مالك تصطيتي لا لا باينة تصطيتي نتي لاش كتبكي . راكي اخيرا غديا تشوفي داركم . جمعات حوبجها او هزات الملف دارتو وسط الحويج او هبطات لقات مهدي كي تسناها في السيارة راكبات . طريق كاملة او هما ساكتين حتى وصلو للدار . هبطات مريم او تبعها مهدي . مهدي: مريم تسناي . مريم دارت شافت فيه بلا ماتجاوبو . مشا للكوفر هبط 2 ديال لي فاليز . حطهم ليها حدا الباب . مريم: اشنو هدشي ؟ مهدي: ماماك عند راسها بلي نت في اسبانيا . لا يعقل انكي جاية من اسبانية او ما جيبة معاك حتى شي هدية . في فاليزات بي 2 غديا تلقاي شي هديا لخوك او ماماك او حتى لمي الحاجة . مريم : مي الحاجة ؟؟! مهدي : اه مي الحاجة لي سكنة في هد الدار نعت ليها بي عينيه . مهم ا

50* مهم ا مريم انا كنطلب منك السماحة مرة 2 . غدا انا شاد طريق لروسيا ماكرهتش تسمحي ليا قبل ما نمشي . مريم: ماعرفت ماتقول بقات مسمرة . هزات الزالي او طلعت خلاتو واقف طلعات للدار او مشات ديريكت للنافدة لقاتو واقف . شوية او هو اركب في السيارة او ديمارة . غير ديمارا او دموع مريم بداو كي تساقطو تتبكي او معرفاش على تتبكي . واش حيت ماغدياش تشوفو او .. او ... او .. مهم بعدما تنخسات مزيان هخه مشات تدور في دار توحشات بيتها او توحشات كل قنت في دار . بعدا مشات حلات ليفالي . لقات خرجات الكادويات او لقات واحد الورقة محطوطة هي الاولة في الفالي التانية لي حلت . مكتوبة فيها ( سلام مريم على سلامتك اكيد ملي غديا تقراي هد الرسالة غديا تكوني في داركم مع الناس اللي كتبغي . مريم انا ندمت بزاف او رب اللي عالم قداش كنتالم من اللداخل ملي كنتفكر داكشي اللي درت ليك . لو كان غير قتلتيني هدك النهار او هنيتيني من هد عداب الضمير حياتي ولات زايد ناقص وليت باغي نهرب لاي بلاصة غير باش ننسى الالم اللي حفرة ليك في حياتك . مريم انا كاع هد المدة او انا كنفكر كيفاش ندير حتى تسمحي ليا. راني كتبت ليك المطعم بي سميتك بيع او شرا او درت ليك كونط في البنك حطيت ليك فيه شي براكة لي تقدري تعوني بها على دراستك او تكملي تحقيق اهدافك . كلشي الوراق غديا توصلي بيهم من عند المحامي دبالي اللي غدي ادوز عندك غدا مع 10:00 . نتمنى هدشي اللي درت اخيط غير شوية من الجرح وي برد الحقد اللي كتكني ليا . كنواعدك وجهي معمرك تشوفيه . مباشرة بعدا نجي من السفر غدي نسلم نفسي . سمحي ليا بزاااف .#عيفت_الرجال ) مريم بعدما قرات هد الرسالة نهارت بي البكا علاش يا رب علاش هدشي كلو كي جرا ليا . في قلبها باغي تسامحو ولاكن شي حاجة كتمنعها .مريم دخلات للب

51* مريم دخلات البيت بقات تتبكي حتى داها النعاس جات ماماها لقات لي فاليز عرفات بلي بنتها رجهات تو اخ مريم مشا طاير بي الفرحة تي نقز عند ختو اويوا علاه اشنو راه ختو او توشحها (هاء ميمتي وليت بحال الحاجة . توحشها) فاقت مريم على صداع او قبلات خوها ناضت عنقاتو توحشت تلعب او تهر فيه بعدها او هي دخل ماماها لبيت ناضت مريم عنقتها تعنيقة كبيرة . مريم كانت محتاجة لحنان لام ديالها بعدما تسلامو او تعانقو هخه مشاو خرجو لصالة ام مريم والو بغات تعرف كلشي . مريم ختارعت قصة من عندها باش تقدر تهنى من اسئلة ماماها . فرقات عليهم الكادويات .او عطات لخوها الشكلاط اللي تي بغي . 
مريم: ماما انا غديا نمي نشوف الحاجة او نجي. 
لالة فاطمة : واخا ابنتي سبري غير متعطليش راني عرفاك تتمشي عند مي الحاجة كتنساي راسك .
مريم: ههه لا لا انا عدي نعطيها غير حقها من السفر او نجي .
خرجات مريم هازة في يديها 2 بلستيكات دقات على الحاجة . او خرجات حلات الباب .
الحاجة: شكون تي هديك بنيتي ها سعدي ها فرحي على سلااامتك ابنيتي زيدي حوبي موك الحاجة . 
مريم:ههه( تتسلم على الحاجة) كيف ديرة صحيحة اميمتي او كيف ديرة نتي .
الحاجة : لاباس ابنتي احنا ناكلو لقوت او نتسناو الموت .
مريم: بطولت عمرك ان شاء الله ماتقوليش هكداك . هنا امي الحاجة مانسيتكش من حقك 
الحاجة: سيري ابنتي الله ارضي عليك وي كون منك الزرع او زريعة انا بغيت ربي عمرو اخيبك . يارب وي بعد عليك ولاد الحرام . كيفما مفكراني بعيت رب ابقى ديما مفكرك .
مريم: اللهم امين امبمتي ما بينتناش او نتي في مقام جداتي . ياله نخليك دبا حتال من بعد او ندوز عندك او نتحتو شوية 
الحاجة: لواه لواه جلسي نعمرو كويس اتاي
مربم: لا امي الحاجة منقدرش مزال خصني نستف الحوايج او ندوش او نرتاح ليا شوية

52* راني ياله كي جيت .نخلي ليك الراحة بسلامة. الحاجة: بسلامة اميمتي او الله ارضي عليك (البنات هد مريم مامزيناش كلهم عطاتهم الكادويات او حنى تقول واش عطاتنا حتى شكلاطة بففف) . مشات مربم رجعات لدارها لقات ماماها كتصيب في المسمن عمرات مربم اتاي او تجمعو كلهم على طابلة وحدة . اخ مريم كي ضحك او ام مريم كدالك . اما مريم فبقات غير ساهية ماماها كدوي معاها او هي ماهياش هنا . ام مريم : مريم .... امريم. مريم : هااا نعم اماما ؟ ام مريم: تي فين سهيتي؟ مريم: لا والو غبر العية او باقي تبعني الخدمة او سونطر . ام مريم: بنتي ديك الخدمة غير حبسيها دابا الحمد لله تقدات الامور راني قادة بيكم . نتي قابلي غير قرايتك . مريم : بي اللا مبالات واخة اماما . انا نمشي نرتاح دبا او بلا ماتفيقوني لعشا مافيا اللي زيد شي حاجة . ام مريم شكات بلي كينة شي حاجة مريم . ام مريم: يارب يا سبدي هد البنت مالها تاني يكما رجعات لحالتها لقديمة . ؟ مريم دخلات لبيتها او سدات عليها حطات راسها على المخدة او بدات تتفكر في كاع داكشي اللي طرا ليها . تفكرات كلام مهدي او الاسلوب اللي كان تي تعامل بيه معاها في الاول ملي خدمات او الاسلوب او طيبوبة اللي ولات فيه . تفكرات الرسالة اللي خلا ليها . مريم : اه يا رب راسي غدي اتفرقع ليا بي قوة تخمام . شوية او هي تفكر الملف او المصيدة اللي ديرين هدوك 2 . ناضت جبدات الملف بقات تتشوف شحال .او هي تنوض لبسات حويجها دارت الملف في الصاك او خرجت . مريم : ماما انا غديا للمطعم نسيت عندي شي وراق خاصني نديهم .هبطات تتجري ماخلاتش الفرصة للماماها تهدر

53* شدات طاكسي ديريكت للمطعم دخلات او هي تلاقى مع سناء . سناء : مريم على سلامتك اختي فين غبرتي خلعتينا عليك حتى تيليفونك طافي .مريم: حتال من بعد او نعاود ليك كلشي . قولي ليا سي مهدي واش في المكتب ديالو . سناء : معرفتش طلعي شوفي وقولي ليا بعدا اشنو مالك اشنو واقع ؟ مريم :(كتجري) سناء سمحلي ليا غديا نعاود ليك كلشي ملي نتلقاو طلعات مريم المكتب دخلات بلا ما دق لقات حميد او حسناء في وضعية لا حيائية . خرجات تتقلب والو تلقات بي فؤاد . فؤاد : على السلامة عادا باش طفات عليك الشمعة . مريم: فين هو سي مهدي ؟ فؤاد: اش بغيتيه . علاش كتسولي؟ مريم: قولي فين هو راه كان ةصاني على شي خدمة . فؤاد: السي مهدي يلاه كي كان هنا راه مشا للفيلا تي وجد حيت غادي مسافر . خرجات مريم جرية وحة حتى طاكسي ماكين بقات تتجري تتجري بي سيف حتى لقات طاكسي . ولاكن ولد الحرام مابغاش ادخلها في بلاصت الفبلات مع تماك تي كون خاوي خاف من القطاطعية دار معاها اوصلها عند الشاريع .داكشي اللي دارت حطها عند الشاريع او تمات غديا كتجري تجري حتى وصلات للفيلا وقفات حدا لباب او هي تتلهت بي العيا . لقات العساس . مريم : سلام عليكم عفاك بغيت نشوف سي المهدي العساس : سي المهدي مامساليش .شكون نتي بعدا . مريم: عفاك سير كلمو ليا راه الامر في غاية الاهمية . العساس: سمحي ليا سي مهدي موصيني ماباغي اشوف حتى واحد هو اصلا مشغول مريم: وغير سير قول ليه بلي مريم بغات تشوفك. العساس : سمحي ليا اختي انا متبع غير الاوامر . او سد عليها الباب . مريم جلسات الارض . مريم: اميمتي دابا اشنو غديا الندير ناضت بقات غدا جاية تتفكر حتى طاحت عليها فكرة انها تنقز الصور ديال الفيلا . تقابلات مريم مع واحد النخلة دارت صاكها في عنقها او بدات تتسلق او طيه تسلق او

54* تسلق او طيح حتى بانت ليها واحد الحجرة كبيرة حدا واحد الشجرة او بات ليها بلي الشجرة ميلة جيت الصور الشئ اللي غدي اسهل على مريم تجاوز الصور فعلا طلعات على الحجرة تسلقات الشجرة او بعدها بقات تتحرك شوية بي شوية حتى قدرت توصل للصور . مريم : اووف اخيرا . تفو على اخير بامي وليت نتسلق الشجر كيف القرودة . ياله بغات تنقز او هو ابان لبها واحد مولاي كلب هداك راه وحش الى مشا حتى شدها غبديرها في دغمة وحدة بقات مريم تتحرك شوية بي شوية تتبعد على الجيهة اللي فيها الكلب حتى وصلات لواحد الجيهة من الصور ديرين فيها الجاج مريم:( مفهمتش هد الغباء علاش بضبط ديرين جاج هنا او مخلين الباقي بلاش . ياكما كانو عارفيني غديا نتصلق الصور من الاول . او لا نتي اللي درتيه الكاتبة الله اسمح ليك زعما ضروري من الجرح او دم او داكشي باركة عليا غير السخفة اللي سخفت في الجرة ) مريم ما كنش بي امكانها انها تنقز حتى تجتاز داك الحاجز اللي فيه الجاج خدات الشال اللي كانت ديرة على عنقها لواتو على يدها او جتازت الحاجز الزجاجي ملي امنات راسها نقزات طاحت على ركابيها حيدات الشال لقال جروح او دم خارج (هههه موتي بي سم امريم) مشات تتخفى باش مايشوفهاش العساس حتى وصلات الباب الخلفي اللي كي دخل الكوزينا لقات الباب محلول دخلات بدات تتسكع حتى جاتها دقة من حيت لا تحتسب ما فاقت لقات راسها مكتفة او ديرين بيها 2 خدامات . الخدامة 1: ادوي ابنت الحرام الشفارة ماخفتي من حساس الخدامة2 : ما خفتي من كلاب . هجمة على الفيلا اصحابليك راسك زيرو (هدي زدوها علة مي الحاجة زيرو = زورو) الخدامة1: لا لا اسحابليها هداك الرجل العقرب اللي كي طير في السماء . مريم: باقة ديخة اتر الضربة . طلقوني طلقوني .. شوية او هي تدخل المسؤولة على الخدم .

55* البنات ملي تشوفو (م.خ) عرفو بلي مسؤولة على الخدم . م.خ اش كديرو نتوما هنا او شكون هد البنت . خ1: هي راها سراقة خ2: اه راها سراقة لقينها داخلة باغا تشفر مريم: بغيت نشوف المهدي فكوني م.خ: فكوها . بعدما فكوها . مريم : عفاك اختي بغيت نشوف مهدي ضروري فين هو . م.خ: السي المهدي راه مامساليش . او شكون نتي لي بغيتيه ؟ مربم : عفاك قولي ليه مريم راه كيعرفني . م.خ : واخة وبقاي هنا ما تحركيش حتى نجي . او نتوما 2 بقاو معاها. خ 1او 2 : واخا مشات م.خ دقات على سي مهدي . مهدي: وي دخل م.خ: سي مهدي واحد البنت سميتها مريم كتسول عليك مهدي : مريم!!!!!!!!!!!!! ؟؟ فين هي . م.خ: راها لتحت . هبط المهدي كي جري تيقلب . تي لقا مريم جالسة فوق الكرسي او يديها فيهم الدم مجروحين او حالتها عامرة بي التراب . مهدي: مريم ! مريم: مقدراش تنوض من شدت الالم . سي مهدي خاصني نهضر معاك ضروري . مهدي واخة ولاكن بلاتي نداوي ليك الجروح الي فيدك . مريم: لا لا الامر في غاية الاهمية واخة نمشيو لشي بلاص على انفراد . مهدي: اه واخة اجي معايا . ناضت مريم كتعرج مشاو لواحد المكتب . دخلو لمكتب او سدو عليهم . مهدي: وي مريم ياكما كين باس ؟ مريم : شوف راه ما خصكش تسافر مهدي: علاش ؟ مريم: راهم ديرين ليك الكوكايين في الالات مهدي: كيفااااش ؟ او شكون هدو ؟ مريم : خوك او حساء نهار كنت كنتي حابسني في الدار جاو 2 مرات كانو كيتافقو عليك . او راه ناويين اهربو الكوكيين عن طريقك لتوركيا بعدما توصل لتوركيا غدي اخرجو السلعة ديالهم اهربوها عن طريق البحر او غدين اخليو ليك جزء حتى توصل لروسيا وي بلغو بيك . مهدي: ميمكنش هدشي . خوياا انا ادير فيا هدشي !؟ لا لا مامتيقش او علاش هدشي كلو ؟ مريم: باغين اتفكو منك حيت عرفو بلي نت تتقلب

56* كتقلب في تقارير الشريكة . جبدات مريم الملف من الصاك . مربم : هكا شوف هد الملف كنو خباوه في المكتب . خليتهم حتى خرجو او دخلت قلبت عليه حيت سمعتهم ملي كانو تي قولو ان الملف الصفر ماخاصوش اطيح في يدك . مهدي : مصدوم من كلام مريم ما قاجر اخرج حتى كلمة اكتريا ملي طل على محتوى الملف . مهدي :غدي معضب بي صوت خشن معمر مريم سمعاتو . غدي ندمهم على هدشي كلو . مريم : مهم انا اللي عليا درتو الباقية عليك . بسلامة . مهدي : اجي فين غديا ؟ مريم: غديا بحالي . اه نسيت هدك المطعم او الحساب في البنك ما عنجي ما ندير بيهم انا ما كانبيعش شرافي بي الفلوس . او الا خديت شي فلوس تناخدهم بي عرق كتافي . خرجات مريم من الفيلا شدات طريق لدارهم غير دخلات او هي تلقا ماماها كتسنى فيها ام مريم: الله يا بنتي الله فين مشيتي خليتيني مشطونة عليك تو اشنو هد الحالة مالكي في يديك او مال حالتك مسخة ؟ مريم: ماما مامالي والو متخافيش راني بيخير غير طحت ملي كنت جاية في الجردة اللي حدانا . انا غديا ندخل ندوش او نمشي نعس . ام مريم: ابلاتي خليني غير نهضر يا هد البنت. مريم : حتال غدا اماما دابا راني عيانة . دخلت مريم دوشات او مشات دخلت الليت سدات عليها . حطات راسها في المخدة . مريم علاش درتي هدشي كولو كان بي امكانك تنتاقمي منو او تخليه احصل فيها . لا انا انا.... انا معرفتش نجاوب على اسئلتي . 100 سؤال او سؤال في دماغي او لا اجابة له مربم بقات تتفكر حتى داها النعاس. صبح الصباح فاقت مريم او خرجات من بيتها لقات ماماها مشات الخدمة او دات معها ولدها وصلاتو لروض . مريم . تفكرات ملي كانت مخطوفة في الفيرمة كانت تتلقى مهدي موجد ليها الماكلة تفكرات نهار قلبات عليه البلاطو او ملي كانت تتدابز معاه او تتسبو .شوية او هو اطيح ليها

57* اطيح ليها في البال . مريم: معرفت اشنو دار مزال في دوك الخياتي اوف دارني راسي بغيت نعرف . (حنينتي بقاي نتي دارك راسك البنات تبعوني نمشيو نشوفو اشنو دار مزال المهدي) . مشا المهدي المخزن فين محطوطين الالات بعدما تاكد بلي حتى واحد ماكين . دخل تي قلب على الكوكايين فعلا لقا كمية كبيرة مخزونة خرجها او داها الكوفر . قلب مزيان الالات حتى تاكد بلي ما بقى والو . عادا باش خرج . هز مهدي ديك السلعة خباها في الكوفر او تاجه الفيرما غبرها تماك او رجع للفيلا تاصل بي المطار باش ابدل الوجه للفرنسا . او من بعد تاصل بي خوه باش اعلمو انه خاصو ضروري اسافر لفرنسا خرج على ود شي مشكيل عند في الخدمة تماك ( مهدي كان من عائلة غنية بزاف كانو عندهم بزاف المشاريع داخل او خارج البلاد) . الخبار نزل بحال الصعيقة على حميد . حميد: ولاكن اخويا الالات اشنو غدين نديرو فيهم راه خصهم ادخلو فهد الاسبوع واش نسيتي بلي الافتتاح قريب. مهدي : كون هادي الالات غدي نصيفطهم مع حسنا هي اللي غديا تكلف . حميد: مهدي راك تتخربق واش حسنا عارفة لهد الخدمة . ؟ مهدي: وي عارفة غير كون هاني ياله .الله اعون مزال تبعاني الخدمة .

58* تاصل المهدي بي حسنا . المهدي: سلام حسنا فينك نتي دابا؟ حسنا: انا في دار . مهدي: اوك انا طالع عندك . طلع مهدي عند حسنا اللي كان تي سحاب ليها بلي جاية على ود المتعة . مهدي دخل جلس في صالة . مهدي : حسنا جدي راسك انا حجزت ليك غدا غديا تسافري لروسيا . حسنا : كيفاش ؟ مهدي: كيفما سمعتي غديا تسافري . نتي اللي غديا تكفلي باش توسلي الالات او توقفي على شغل تماك. انا غن لحق عليك ملي نحل المشكل اللي عندي . حسنا: ولاكن ... قاطعها مهدي: ما كين ما ولاكن سيري وجدي راسك غدا الطيارة عندك مع 12:00 . خرج او خلاها . حسنا تاصلت بي حميد حسنا: الو حميد واش صقتي الخبار الجديدة حميد : وي . شتي الخطة ديالك فين خرجاتنا دبا اشنو المعمول ؟ حسنا: نسولك نت انا مابقيت عارفة ما ندير راه حجز ليا الطيارة مع 12:00 . حميد: شوفي غديا تخلي الخطة غادة كيفما هي . وصلي السلعة لتركيا او كملي لروسيا. حسناء : او الى حصلت . حميد : ماحنا على فالك . واش هدي اول افير . ، ؟ واش عمرما دخلنا لشي مشروع بحال هكدا او حصلنا . نتي غديا تسلمي السلعة الماليها او تكملي طريقك لروسيا .ياله نخليك راني في شريكة دابا عندي اجتماع. في هد الحين كان مهدي تي وجد في الخطة التانية ديالو

59* صبح الصباح او مشات مريم تتهدر بينها او لين نفسها . ولد الحرام ماقالش نتاصل بي مريم نشكرها انا مسخسخة او حالتي حالة او هو عندو زيد ناقص لا اداب لا صواب . دازت 3 ايام او مريم كتنتاظر شي تيصال او خبر على المهدي . صبرها تقادا . غير خرجات من سونطر (نسيت ماقلت ليكم بلي مريم رجهات لقرابتها ) او هي تاصل بي سناء . مريم : الو سلام سناء صافا؟ سناء: اهلا مريم عاش من سمع صوتك افين ابنتي هد الغبور من نهار دفنوه مازاروه . مريم: ههه مانسيتكش راكي غي البال او الدليل اني تصلت بيك دابا راه تخني غبر مع شطنة ديال دنيا . سناء : عارفة اللي كين راني غير تنضحك معاك ايوا فين شداها ؟ مريم: انا ياله كي خرجت من السونطر كنت لغيت بشوفك فينك نتي؟ سناء : غبن بغيتيني نكون انا في الخدمة . مريم : خسارة كنت بغيت نشوفك مامكتابش مهم حتال نهار اخر . سناء: اجي عندي المطعم . مريم: راني اختي ما لغيت نشوف حد من دوك اللي مسؤؤلين تماك . سناء: وراه ماكبن حد غير اجي اصحبتي معاود اللي اشنو كواريت الي وقعو . مريم : انا كواريت ياكما كاين باس ؟ سناء : وحتى تجي او نعاود ليك القصة طويلة تو هدشي ما كيتقالش في تيلفون . مربم : صافي انا جايا عندك . شدات مريم طريق للمطعم

60* وصلات مريم المطعم دخلات تتقلب على سناء لقاتها تتسرلي . نسناتها حتى كملات عادا باش جات هضرت معاها .مريم : اش خبارك اختي لباس عليك . سناء: الحمد لله او نت توحشتك العفريتة خليني بلاصتك . مريم : حتى اما توحشتك . ايوا اشنو واقع خلعتيني في تيليفون . سناء : غير سكتي اختي راه هد الايام ماكين غير المصائب . ماشي حسنا لقاوها مقتولو في توركيا . الله استر راه تي قولو بلي كانت مع شي مافيا . ( اه البنات هدي هي الخطة الاولى اللي كانت ديال المهدي . بعدما وصلات حسنا لتوركيا تلقات مع الناس لي جايين اياخدو السلعة بعمدا جاو اقلبو الالات او ما لقاو والو هما كي صحاب ليهم بلي حسنا بغات تضحك عليهم قتلوها او رماوها في البحر في ظرف يومين لقاوها سي صيادة ) . مريم: يا لطيف سناء : او نزيدك خو سي مهدي راه مشدود في الحبس لقاو عندو المخدرات في الكوفر . كان غادي بيه للشمال . ( او هدي هي الخطة التانية . مهدي كان عرف من خوه بلي غدي امشي لشمال اتلقى لشي سلعة غديا دخل . خرج ديك الكمية ديال الكوكاين اللي كان خازنها في الفيرما او خلا خوه حتى مشى لشريكة اسيني شي وراق اوهو امشي احط الكوكايين في السيارة تللي مولف حميد كي سافر بيها بلا ميعيق او ملي عرف انه دخل لشمال بلغ بيه . تماك فاش تم القبض عليه. تو هكدا قدر مهدي انتاقم منهم .) مريم: ياختي على هد الناس ديال الفلوس ما كيقنعوش . اشنو باغين اخر . باغين اديرو دنيا .ايوا او سي مهدي ؟ سناء : سي المهدي سمعت بلي سافر . بينة اصحبتي مارداش . فين مزال غدي ارد وجهو او خوه مشدود بي تهمة تجارة في الممنوعات . مريم : ايوا اختي الله استرنا او خلاص .

61* بعدما كملات مريم حديتها مع سناء . حتى كانت تتسلم عليها باش تمشي او هو بجي شاف اشرف . شاف اشرف : يلام مريم لباس عليك . مريم: سلام شاف لباس الحمد لله. ش.اشرف: بغيت نهضر معاك الى كان ممكين . سناء : مهم نخليكم انا خاصني نمشي نشوف طلبيات . مريم نبقاو على اتصال . مريم: اوك ختي بسلامة . وي شاف ياكما كين باس . ؟ ش.اشرف: شوفي ابنت ناس انا من نهار شفتك دخلتي ليا لخاطري او بغيتك او ما بغيتش نزرب حتى تاكدت من الحب اللي كنحس بيه اتجاهك . انا ا مريم كنبغيك او باغيك للزواج . الى قبلتي عليا من غدا نجيب مالين الدار. اشنو قلتي ؟ مريم : مصدومة او مرتابكة ما عرفت ما تقول . سي اشرف نت شخص محترم او الله اعمر ليك الدار الحمد لله ماعمرني شفت منك شي حاجة خايبة او اي بنت تمناك . ولاكن ... /قاطعها اشرف.: ماتقولي والو دابا حتى تفكري على خاطرك انا ما زربانش . مريم: اكون خير ان شاء الله . مشات مريم للدار او هي الطريق كلها او هي تتفكر في كلام اشرف . . مريم: كيفاش نوافق عليه او انا ماشي بنت اش غديا نقول ليه . اشرف ولد ناس او اي بنت تمناه ولاكن ماغاديش اعضرني الى عرفني ما بقيتش بيكر .

62* مشات مريم للدار . لقات ماماها ياله كي دخلات دخلات مريم لمطبخ تعاون ماماها في توجاد العشا . بعدما كملو توجات مشات مريم دخلات لبيتها باش تراجع ولاكن دماغها مبلوكي مرة تتفكر في اشرف اللي شاريها باغيها للزواج او مرة تتفكر في مهدي اللي غبر او مقدرش حتى اشكرها .مريم: حتى لو عضرني او قبل بيا انا كيفاش غديا نربط حياتي مع واحد ماكنبغيهش كيفاش غدي اجمعنا بيت واحد او فراش واحد او انا قلبي او كل تفكيري مع شخص اخر . لا امريم رففضي ماترغميش على راسك شب حاجة نتي ما مرتحاش ليها . دخلات مريم في متاهة او دوامة مع نفسها الغد ليه غير فاقت او هي تمشي للمطعم باش تهضر مع اشرف

63* مريم: سلام سي اشرف س.اشرف: اهلا مريم ثباح زين هدا ملي شفتك . مريم : شكرا . جبت باش نعطيك الجواب ديالي . ش.اشرف: مرحبا اجي نجلسو او نهضرو . مريم: مهم اسي اشرف ما كين ما نخبي كيفما قلت ليك نت اي بنت تستاهلك ولاكن انا باقى مكنفكرش في الزواج . ش.اشرف: مريم انا ما غاديش ندغط عليك ولاكن عندي سؤال ، مريم : اما هو؟ ش.اشرف : واش كتبغي شي واحد الشي اللي ماخلاكش تقبلي بيا . مريم : في الصراحة اه انا كنبغي شخص اخر . ش.اشرف: اوك الله اكمل عليك بالخير كنتمنى ليك السعادة . مريم: امين او حتى نت كنتمنى رب الاقيك مع شي بنت اللي تبغيك او تبغيها . بعدما كملات مريم مع اشرف خرجات تاجهت للمكتب ديال المهدي . مريم : اويلي انا مالي اش جابني هنا . ؟ صافي بديت كنتصطى . كملات مريم على طريقها دخلات المكتب . بدات تتفكر نهار دخلات ليه اول مرة . بانت ليها صورة دبال المهدي فوق المكتب هزاتها او بقات كتشوف فيها ماحساتش بي راسها حتى عنقاتها او بدات كتبكي . (مريم ولات كتبغي مهدي لدرجة ماكتصورش). خدات مريم الصورة دارتها في الصاك او خرجات متاجهة لدارها . مريم اللي كانت كنتفكر في المستقبل ولات غير سادة عليها البيت حتى سونطر ما بقاتش تتمشي ليه ولات مقابلة غير صورة المهدي او البكا داز ايام او اسابيع او مريم على هد الحال مامات مريم عيات ما تعرف سبب اللي خلا مريم تنعازل . ولاكن بدون جدوى حتى من الحاجة اللي كانت مربم ما تتخصرش ليها خاطر ما بغات تقول ليها والو . مريم صحتها غاديا او كتدهور . ما بقى نافع معها لا دوا ولا والو حتى من الطبيب اللي كانت متبعة عندو ما نفعش. واحد النهار الحاجة كانت جالسة حدا النافدة تتبركك هخه حتى تتبان ليها سيارة كحلة واقفات

64* هبط الشخص من السيارة او تاجه للدار مي الحاجة . الحاجة : ياهيا سعدي او فرحي وليدي جا اطل عليا . زيد حوب على راس موك الحاجة . كيف دير لباس عليك . الشخص : لاباس الحمد لله كيف ديرة متي صحيحة شوية ؟ الحاجة: الحمد لله اوليدي الله ارضي عليك . غين غبرتي من هداك النهار متليتي رجعتي راه بنت عمك ماكيناش دابا .(اكيد عرفتو شكون اااايه المهدي بي شحمو او لحمو جاي اشوف الحاجة) . مهدي: غير مع تمارة ديال الخدمة الحاجة . ايوا كاين شي جديد . لالة فاطمة او ولادخا لباس عليهم .؟ . الحاجة: بدات تتبكي احياني اوليدي ما كاين ما بيخير . لالة فاطمة كاع الاطبة دارت عليهم على ود مريم او والو لحالا كتخوي الما في الرملة . راه رجع ليها هداك المرض او دابا كاع كتر . مهدي: (مخلوع) كيفاش مريم مالها اشنو طرا ليها ؟ الحاجة : حتى واحد اوليدي معرف مالها من نهار جات من ديك سبانيا او هي كتمرض نهار على نهار بنيتي كدوب . راها ما كتهضرش معانا . قليل او الماكلة ما تتكلش حتى الى كلات تتاكل بوحدها . مهدي : دابا واش كينة لالة فاطمة ؟ الحاجة: لا راها في الخدمة كينة غير مريم بنيتي بوحدها . مهدي : واخا الحاجة نخلي ليك الراحة حتى ندوز عاود نزورك ان شاء الله . الحاجة : وبلاتي فين غادي زربان . راني معمرتش ليك حتى كويس اتاي . مهدي: مرة اخرى ان شاء الله . خرج المهدي من عند الحاجة او بدا تي دق على مريم . والو مربم كتسمع الدقان او ما بغاتش تنوض . مهدي ما حبش من الدقان . مريم تعصبات اااوووف شكون هدا اللي مبرزطني . هبطات مريم تحل او هي عينيها حمرين تو منفوخين او وجها صفر . غير حلات الباب شافت مهدي او هي ..

65* او هي تسخف . هزها مهدي طلعها للدار بدا كي فيق فيها . مهدي : مريم ... مريم ... مربم .. فيقي متخلعنيش عليك ا مريم عفاك فيقي . مريم بدات تتحل عينيها . مريم: مهدي مهدي: انا معاك ا مريم نوضي ما تخلعنيش علبك . مريم : اشنو كدير هنا . ؟ مهدي: جيت باش نخطفك عوتاني ههه . مريم: شناهوا ؟؟؟ بعد مني . مهدي: صافي دابا صحاحيتي وليتي كتغوتي . توحشتك امريم او اكتر ما كتصوري . اشنو هد الحالة اللي وليتي فيها شكون هد الحمار الي خلاك هكدا . مريم : ماتعيروش بزاف عليك . الشماتة . مهدي: ههه هاي هاي ضرباتك النفس عليه. اجي واش ضروري ما تفكريني فيه هديك الكلمة زعما ؟ مريم: اه . مهدي: كنبغيك ا مريم او معمرني غدي نسمح فيك . نسول سؤال او جاوبيني بي صراحة . مربم: اشنو ؟ مهدي: واش مسامحة ليا .؟ مريم : اه مسامحة ليك دنيا او اخرة . مهدي: تزوجي بيا ؟ مريم : شتك زربتي عليا . ( البنات راه عزازين عليهم هد القطة خصك تقل شي شوية). مهدي: امتى نديرو العرس؟ مريم: امتى بغيتيني نقتلت ؟ مهدي : ياك بغيتي تقتلي حبيبك . اب تنسيم مريم: لا لا زربتي عليا ديال بصح . نوض نوض سير جيب الحلوة او شكلاط او عادا باش هضر معايا . مهدي : هي اللي ما تعودش الشكلاطة ديالي . مريم: شتك ضسرتي ناس كي طولو اللحية او تي تبتو نت غير عاد مازدتي في تسطية . سي كون تحشم حتارمني راني مرت الراجل . ياله سير قبل ما تجي ماما تلقاك هنا او نصدقو في شي طاب او شي ما طاب. مهدي: ههههه اوك . انا غادي مهم في الليل نبغي نشوف النويويرة ديالي مفتحة ملي نجي نبغي نخطبها . مريم : الضاسر . مشا مهدي وجد راسو للخطوبة . او مريم بي دورها وجدات راسها . غير جات ماماها او هي تلقمها ماما ماما . عرفتي هداك السيد اللي كان جا لعندك باش اقولك اني مسافرة البا

* 
الباطرون ديالي . ام مريم: اه عرفتو مالو ؟ مريم: راه غدي اجي باش اخطبني . ام مريم : قولي ليا هو مول هد الحيوية او نشاط اللي ولات فيك . ايوا كراه عرفتو هو اللي غيردك في هد الحالة كوراني جبتو ليك من شحال هدي .. (مريم حشمانة وصافي اماما اجي نقادو الدنيا قبل ما يجي.) ام مريم : هاي هاي على البنت . ولايني راكم بنات اليوم مقزدرات .مريم: ماما صافي بلاش انا غديانمشي نرجع لبيتي .ام مريم : اجي اجي فين غديا انا نهار الكبير عندي ملي رجعتي ليا كيف كنتي . ماما : رانيغديا غير نرتاح العروسة خصها تكون مرتاحة في ليلة خطوبتها . باله كي كملت الكلمة الاخرة او هي تجيني سندالة من حيت لا احتسب .مزيان تبارك الله اضسرتي الشنيولة . مهم جا مهدي او جاب معاه الشكلاطاو الحلوة اوالخاتم او الورد او المفاجئة الكبيرة هي انه جاب معاه مي الحاجة بعدما صرحها بي الحقيقة . دازت الخطوبة . او تافقو على العرس اللي غدي اديروه في اوطيل راكم معروضين كلكم البنات مرحبا بيكم بلا كادوات . مهم العريان دوزو احسن نهار ام مربم ماكانت قداها فرحة . بعدما داز العري العرسان مشاو دوزو شهر العسل ما خلاو قنت كاع اوروبا داروها مهم ما جاو المغرب حتى جابو معاهم تنسيم في كرش مريم ...

.. 67 
#النهاية
ايوا هادي قصة مريم مع حبيبها المغتصب . العقبة ليكم البنات حتى نتوما . ماشي بي مغتصب و انما بي زوج صالح او درية صالحة . سمحو ليا كان بويد نديطايي القصة ولاكن انا عيت او خديت من وقت ولدي او راجلي باش نقدر نكملها ليكم . تهلاو في ريوسكم بزاااف او سمحوليا جرجرتكم معايا. موووووح ليكم
. ترقبو الجديد او علاش لا اقدر اكون جزء 2 للقصة خصني غير ناخد شوية الوقت باش نرتب افكاري . تصبحون على واقع اجمل