تتمة قصة : بنات الليل 2

 

الجزء الثاني:
أش بان ليك نهربو .. زينب عجباتها الفكرة وتافقات هي و مريم باش فليل يهربو و كيما بغات تجي تجي يا ربحة يا دبحة وصل ليل لبسو الحوايج بزاف سروال فوق سروال... و تريكو فوق تريكو ... دارو 9 يتلاقاو حدا الشانطي لي فوق الدوار خرجات زينب هيا اﻷولىنوضات عجاجة فطريق هشام الكروج كيجري مشات بقات شي ربع ساعة و هي تبان ليها مريم جايا كتجري ...
مريم : جري جري أ صاحبتي جري
زينب : (وهي كتجري) ياكما شافك شي حد
مريم: ﻷ غير جري ... بقاو كيجريو لمدة نص ساعة و هما يريحو فجنب الطريق
مريم (و هي كتلهث) : دبا خاص غير دوز شي حديدة من هنا و نوقفوهم فينما كانو غادين يدوين .. شي شوية ما غدوز غير واحد اللوطو واعرة صايقاها مرأة شيرو عليها فاتهم شوية و هي توقف مشاو كيجريو عندها طلبوها و رغبوها فاﻷخر قالت ليهم طلعو biensurحيث بالنسبة ليها زينب و مريم جوج دجاجات بكامونهم ... ديمارات وشدات الطريق و هي تقول ليهم فين غاديين المهم عاودات ليها زينب ... و هي تقول ليهم إوا مرحبا بيكم عندي أنا ساكنة فكازا و سميتي فاتي .. بقاو شادين الطريق وصلو لكازا وقفو حدا واحد الدار نزلو و حلات الباب و دخلو لقاع الدار لقاو جوج بنات باركين و حاطين الشراب و السجائر و الماكلة ناضو كيجريو عنقو فاتي ... بقات بلاصتك أ مدام فاتي
فاتي: مالكم ماخدامينش و فينهما البنات لوخرين
البنت 1: راه فينا المعلومة
البنت2:شكون هادو لي جبتي معاك شي سلعة جديدة ههههههه
فاتي عاودات ليهم و هي تقول البنت 1 لزينب و مريم نكب ليكم شي كأس راه حنا قصتنا فين تبان قصتك زينب قالت ليها ﻷ ﻷ ﻷ حرام داكشي و حنا عندنا فالدوار الرجال هما لي كيشربو و كيكميو و هما يضحكو البنات و فاتي بالجهد ههههههه و هي تقول ليهم فاتي خليوهم على راحتهم ونوضو عطيهم شي بيجامات...

البارت 3 : عطيوهم شي بيجامات يلبسوهم و حطو ليهم لعشاء راه باينا فيهم الجوع و وريهم فين ينعسو ... داكشي ليدارو من بعد ماتعشاو داوهم فين ينعسو زينب و فاتي غير دخلو لبيت ليفيه جوج ناموسيات و كل وحدة نعسة فوحدة ودارو كيشوفو فبعضياتهم و هي تقول زينب لمريم أنا هدشي جاني فشيشكل أو راه كيشربو الشراب أ صاحبتي فحال الشماكرية لي عندنا فالدوار ... مريم واش نتي هاربا من داركم عند بالك غتلقاي الجنة راه غير عولي على أننا غنشوفو العجب .. زينب ولكن أنا مابغيتش هدشي بغيت نلقى شي ولد الناس لي يبغيني و يسترني ويكون باقي شاب و زوين ..
مريم:تصبحي على خير راك بنتي ليا بديتي كتحلمي
زينب : وانتي من أهل الخير ...
صبح الصباح و فاقو لبنات مع 9 حيت مولفين على الفياق بكري غسلو وجهم و هبطو لتحت لقاو فاتي باركا كتوجد فالفطور و بداو كيعاونوها فتوجاد الطبلة و جلسو يفطرو و هي تزرب عليهم شوفو البنات أنا غنجيكم من اﻷخر هدا البنات لي كتشوفو فيهم راهم خدامين فالدعارة و حتى أنا كنت فهدا الشي ولكن دبا كبرت و مابقيت قادا على هدشي و هدا البنات راهم ساكنين عندي و كل وحدة كتعطيني لباي ديالي من داكشي لي كيعطيها الكليان و الكليان كيعيط ليا و كيختار البنت لي بغا ولا كيجي عندي و كيختار لي عجبو ... مريم و زينب بقاو حالين فمهم فيها حيث باقي مافهمو أش بغات توصل ليهم ... شوفو لي نطولوه نقصروه بغيتو تخدمو معايأ مرحبا ما بغيتوش كملو من عندكم ... زينب و مريم كحالت الدنيا فعينيهم و ماعرفو باش يجاوبوها و هما يسمعو الباب كيتحل تماو داخلين 3 ديال البنات خرين لابسين عبايات و غير دخلو بداو كيهضرو بالسعودية و كيضحكو مع مدام فاتي ... المهم عرفاتهم فاتي على زينب و مريم ... من بعد و هي تقول فاتي لبنات إوا كيجاوكم السواعدا ديال هدا الخطرة

البارت 4 : إوا كيجاوكم السواعدا ديال هدا الخطرة ... البنات فخطرة وحدة مافي منهم ههههههه ... و هي تقول ليهم فاتي إوا شحال عطاوكم و هما يجبدو لفلوس و عطاوها لباي ديالها و زينب و مريم بقاو غير حالين فمهم ... و خلاص ملي بداو كيجبدو فالكادوات ... المهم من بعد
فاتي: إوا أش قلتو
زينب:وخا تخلي لينا شويا ديال الوقت
فاتي: عندكم من هنا لغدا
داز النهار عادي بالضحك و اللعب و النشاط و الشراب و الحشيش (راكم عارفين حيات دوك الناس) وصل ليل و البنات تقادو و تصايبو و مشاو لخدمتهم و زينب و مريم مريحين مع فاتي فالصالون و هي تقول مريم لزينب يالاه معايا لكوزينة مشاو وريحو
مريم:أش غنديرو دبا
زينب: ياختي وا عايشين فالنعيم وا شوفي اللبس لي كيلبسو كيداير
مريم:بان ليك غير اللبس و شوفي الفلوس و التليفونات لي عندهم أنا حتى نوكيا بيل مانكسابو
زينب: دبا شنو
مريم:شوفي حنا راه باقين بشرافنا راه بإمكانا نطلبو ثمن لي بغينا
زينب: عندك الحق ولكن خلينا نشوفو فاتي أش غتقول ... خرجو عند فاتي و هما يقولو ليها موافقين و هي تقول ليهم أمممم دبا السهرة غتبدا هاكو شربو ليكم معايا هاد الكويسات شدوهم جاهم داكشي حامض وا غير الريحة سكراتهم من بعد مدت ليهم السجائر و بقاة كيشربو و يكميو حتى طاحو دودا فبلاصتهم صبح الصباح نهار جديد و أحداث جديدة.

البارت 5 : فاقت مريم و زينب و هبطو لقاو فاتي كتفطر ريحو فطرو ملي سلاو و هي تقول ليهم فاتي واش نتوما عزبات و لا مراوات لبنات فدقة ﻷ حنا عزبات
فاتي: أوه راكم ضربة صحيحة من شحال هادي ما ضربة بحال هدا الضرب ... شوفو البنات حيث نتوما باقين عزبات غنعطيكم 3 ديال الملاين لوحدة و هي تنقز مريم ﻷ أ مدام فاتي حنا بغينا 6 المليون لوحدة ...
فاتي: قاسحة البنات واش أنا زعما ماغنربح من وراكم والو
مريم: إلى ماربحتيش دبا غتربحي ليام لوخرا
فاتي: وباينا عليك مجبدا مع راسك
مريم: إوا هدشي لي بغات الوقت
فاتي: ماقلتي عيب كتفكريني فراسي فاش يالاه دخلت لهدا الحرفة ... هزات تليفونها و هي تعيط على واحد السعودي .. من بعد السلام و الكلام.. قالت ليه راه داكشي علاش موصيني راه واجد و ماشي وحدة جوج و هو يقول ليها أنا اﻷسبوع الجاي راخ أجي عالمغرب حضريهم ليا و هي تقول ليه و الثمن قال ليها طلبي لي بغيتي قالت ليه حتى تجي و نهدرو قطعات معاه الهدرة على أساس اﻷسبوع الجاي غيجي ... ناضت عطات لبنات جلالب و خرجاتهم داتهم لصالون عاوداتهم من اﻷول و رجعاتهم فحال الفاسدات داكشي لي كيبغيو السواعدة و من بعد داتهم لواحد البوتيكا فيها كلشي و تقدات ليهم كلشي و داتهم شرات ليهم الماكياج و من بعد شرات ليهم تليفونات ماعارفينش حتى كيفاش يخدموهم (مع الوقت كلشي غيوليو يعرفوه بطبيعة الحال) المهم .. مشاو لدار و البنات لي فدار بقاو حالين فمهم فمريم و زينب و الحسد غيخرج ليهم من عينيهم حيت مريم و زينب عاطييين العين زينهم يهبل لي مايهبل ولكن ما استغلوهش فشي حاجة كتفرح ... إوا داز أسبوع و جا اليوم المعلوم مع 10 ديال الصباح كيصوني تليفون فاتي غير شافت النمرة و هي تبتاسم حتى بانت ليها ضرست العقل جاوبات هضرات معاه و تافق معاه باش شوية غيدوز عندها لدار..

تتمة قصة : بنات الليل3