أجنحة مشوية لذيييييذة من مطبخ صالحة

أجنحة مشوية لذيييييذة

من مطبخ صالحة

أجنحة مشوية راااائعة

 على طريقة الاخت صالحة

كما عودتنا ،دائما تقدم لنا الجديد و المميز

جزاها الله عنا كل خير

*****************************************

السلام عليكم ،

 كيف الأحوال يا بنات ،

 هذه هي وصفة الأجنحة المشوية نتمنى تعجبكم

جربوها ومتاكدة ما غاديش تندمو

 لانها لذيذة وبصفة عامة المشاوي تروق للجميع

 اليوم اخترت لكم الأجنحة

 لان القليل من الناس تيحضروها على شكل شواء

 لأنهم يشتكون ان الأجنحة كطيب من برة ومن الداخل لا ،

وانا غادي نعلمكم طريقة

 تضمنون ان الأجنحة طيب مت برة ومن الداخل،

 فقط اتبعوا المراحل:

نحتاج لأجنحة مغسولين ومنقيين بالحامض والملح

 ونحضرو الشرمولة :

قزبرة ومعدنوس وبصلة محكوكة

وزيت زيتون وملح وتحميرة ( بابريكا) وابزار وسكنجبير وخرقوم

 مع اضافة توابل خاصة بالدجاج اذا متوفرة

خلطي جيدا المقادير ومن بعد رقدي فيها الأجنحة

 كل ما كانت مدة الترقاد أطول كل ما كانت احسن

 وبعدها نأخذ مقلاة

 ونحطو فيها الأجنحة مع شوية الشرمولة

 ونحتفظو بالقليل جانبا

ونخليو الأجنحة يطيبو على نار متوسطة

 بدون اضافة اي قطرة ماء

لأنهم غادي يطلقو الماء ،

 وبعد ما نلقاو الأجنحة قربت طيب

( خاصهم ما يطيبوش بزاف

 المهم يبقاو شوية رطبين)

 حيت غادي يكملو الطياب على الشواية،

 كناخدو الأجنحة فقط من المقلاة

 ونزيدوها على الشرمولة لي احتفظنا بها

من دون ما ناخدو المرقة

 لي في المقلاة هاديك غير خليوها،

 ثم خلطو الأجنحة من جديد في الشرمولة

 وخليوهم يشربو مزيان الشرمولة

 من بعد حطوهم على الشواية الكهربائية

 او ديال الفاخر يتشواو مزيان

 واستمتعو بالمذاق الطيب راه ما تشبعوش منهم،

 ما غاديش تصدقو انهم طابو شوية في المقلاة

 تقولو غير على الشواية ،

جربوهم وردوا عليا الأخبار

 وبصحتكم وراحتكم،

 أختكم صالحة