حلوى رائعة بالشكلاط

حلوى رائعة بالشكلاط

حلوى تشهي مقدمة من الاخت*** Bouchra Yadini ***

****************************************************

  المقادير كما أرسلتها لنا الأخت بشرى

المقادير

4 بيضات+كاس سنيدة+كاس حليب+كاس ماعامرش زيت

1فاني+3خمارات+2ساشي كاكاو ايديال او كاكاو مر

الدقيق عينيك ميزانك او ممكن ديرو اي كيكة شكلاط كتصدق ليكم

كنخلطو بحال الكيك العادي وكنزيد الطحين مع الخمارات مع الكاكاو مغربلين وكنخلطو 

كنخويو الخليط فمول دائري ودخلها للفرن مدة35د على درجة 180

ملي كطيب كنخرجها وكندير دائرة الوسط بلا مانوصل للحواشي

وكنخويها من الوسط 

كندوز للحشوة  :نص لتر حليب+فلان بالشكلاط وفلان عادي+3معالق ك سكر+معلقة ك نسكافيه مدوبة 

فشوية الماء+200غ قشدة طرية+نص داكشي اللي خوينا من الكيكة

كنصايبو الفلان عادي كندير الفتت اللي خوينا من الكيكة فكأس مولينكس

وكنزيد عليه الفلان+نسكافيه ونطحن مزيان راه دغيا كيتطحن

كنزيد القشدة الطرية وكنعاود نطحن

كنخوي الخليط اللي طحنا وسط الكيكة وندخلها تبرد للثلاجة

ندوزو للتزيين انا درت هاد الطريقة ممكن ديري اي طريقة تبغيها

كندوب شكلاط اسود مع دانون مسوس ومعلقة زبدة وكندهن بيه الحواشي د الكيكة واللي بقى 

كنزيدو على النص ديال الفتات اللي خوينا من الكيكة

ونعجنوه مزيان ونديرو بيه كويرات صغار

كندوزهم فالفرمسيل - فالكوك عملت انا _ونزوق بيهم حواشي الكيكة

نتمنى تعجبكم وتجربوها لانها كتجي راقية فالشكل وحتى فالمذاق داك الخليط ملي كيبرد كيجي فحال لاموس....بالصحة . ..و انا بدل الكريم فريش استعملت 2 دانون مسوس