الجمال ديالي ........مشكلتي.......!!!!!..

انا شابة فعمري 23 سنة الحمد لله كنتمتع بواحد الجمال اخاذ للقلوب لدرجة انني ملي غكنخرج انا والعائلة ديالي ولا ختي ولا خويا ضروري خاص شي مضاربة تنوض فالشارع بسباب كثرة المعجبين ديالي اللي تيبقاو تابعيني نهار اوماطال ومن كثرت هادشي مكيخلينيش بابا نخرج مع العلم انني وخا لبس المستور ايبانو غعيني اتبعوني وكلشي تيقولي نتي دايرة القبول كاع الدنيا جراها وراك،والمشكل لكبير مااااشي هو هادا ولكن ملي تنكون في الدراسة ديالي مثلا اوتيشوفو فيا دراري اوكيتمنى كل واحد فيهم غيهضر معايا تنشوف كاع لبنات تبدل فيهم اللون ديال وجههم لدرجة انني دوزت معظم المراحل الدراسية ديالي بدون صديقات لانهم تيغيرو مني بزاااااف اومتيحملونيييش بالرغم من انهم حتا هما زوينات ولكن دراري تيفضلوني انا لانني كنجمع ما بين الجمال الداخلي والخارجي لقوله تعالى”ان الله جميل ويحب الجمال”،وبلا منطول عليكم بزااف انا بغيت نعرف علااااش انا معنديش صحباتي بحال لبنات لاخرين وعلاش كيكرهوني من اول نظرة ليهم ليا وخا تكون غاول مرة فحال الى قتلت ليهم روح(كره شديد خاصة الى مرتابطة البنت اوشافني اللي مرتابطة بيه كتموووت) اوعلاش ميعطيوني غفرصة اعاشروني فيها ويعرفو قلبي شنو فيه،ونفس الشيء حتارجال كيطمعوا فيا غعلى الجمال الي عطاني سيديربي؟؟ بصراحة حرت مع هاد المجتمع اللي واحد الاغلبية فيه متيقدروووش الزين اوكاع الناس كينعتو الزوينة بالفاسدة بالرغم من برائتها وشنو ندير باش حتا انا اكونوا عندي صحبات

استسمح الى طولت اوكانتمنا انني نكون وضحت الفكرة مزيان حيت هادشي الي كتبت غمختصر اوصافي ونتمنى تجاوبني على الاسئلة اعلاه؟

وقبل ما نسى كنشكر الموقع على هاد الفرصة اللي منحهالي باش نفرغ فيها قلبي خصوصا انني انسانة بدون صديقات