الكفتة بطريقة جديدة و مختلفة من عند صالحة

الكفتة بطريقة جديدة و مختلفة

 من عند صالحة

السلام عليكم احبائي

هذا طبق الكفتة مقدم بطريقة مميزة

من عند الصديقة الوفية لصفحة شهيوات سعاد

الاخت صالحة

جزاها الله عنا كل خير

إليكم المقادير كما ارسلتها صديقتنا

******************************************

السلام عليكم

تأخرت عليكم بزاف سمحولي راه الخدمة ما خلات لينا وقت ،

بالنسبة لمقادير الكفتة سنحتاج إلى:

250 g كفتة ، 2 بصلات مقطعين مربعات

1 فلفلة حمرا ونصف فلفلة خضرا

انا البارح ماكانت عندي خضرا فاكتفيت بالحمرة مقطعة بنفس الشكل.

التوابل :

قصبور (كزبرة)جاف ، راس الحانوت ،

ملح ،ابزار,

طماطم الحك او المصبرة

خصوصا لي كتكون نوعا ما جارية ،

وبطبيعة الحال نحتاجو شوية زيت زيتون.

لتحضير صلصة البيستو:

80غ عشبة الريحان ، 50 غ صنوبر،

6 ملاعق اكل زيت زيتون،

4 ملاعق اكل جبنة برمزان محكوكة،

2 رؤوس ثوم ،

دقي كل شيء مزيان والصلصة جاهزة

الطريقة :

كناخدو الكفتة كنزيدو ليها ملعقة صغيرة ملح, 

ملعقة صغيرة راس الحانوت ،

ملعقة صغيرة ابزار ، 2 ملاعق صغار قصبور يابس ،

ملعقة صغيرة صلصة البيستو،

خلطي العناصر مزيان بيدك

وعمليها على شكل دوائر صغار .

من بعد خذي مقلات ديري فيها شوية زيت زيتون

وزيدي فيها البصلة خليها تقلى شوية

حتى يصير لونها شوية ذهبي

ثم حطي فوقها دوائر الكفتة

وبعد ثلاث دقائق قلبي دوائر الكفتة

وخليها تقلى شوية هاد الشي بلا ما تغطي على المقلة

ثم زيدي الفلفلة وكذلك ملعقة صغيرة ابزار ،

ملعقة صغيرة صلصة البيستو،

شوية ملح، ملعقة صغيرة راس الحانوت ،

2ملاعق قصبور يابس ،

200 مل طماطم الحك ونفس المقدار من الماء

نقصي شوية على العافية

وخلي الكفتة تشرب المرقة حتى تولي خاثرة

بدون ما تغطي على المقلة ،

ثم قدميها بالصحة والراحة 

راها كتشهي وبرعي بيها حبابك ،

مع خالص ودي للجميع 

دعواتكم لي 

صالحة