لسان الطير معسل.. هشيش و مقرمش

لسان الطير معسل 

 هشيش و مقرمش

السلام عليكم و رحمة الله و بركاته

موقع شهيوات سعاد يقدم لكم حلوى رمضانية

لسان الطير بمقادير بسيطة و كيجي هشيش و مقرمش

إليكم المقادير على بركة الله

المقادير

500غ دقيق -- 100غ زبدة مذوبة

نصف كيس خميرة الحلوى -- ملح

1 كيس سكر فانيليا أو 2 ملاعق كبيرة ماء الزهر

2 ملاعق صغيرة خل -- 1 بيضة

ماء لجمع العجين

الطريقة

نمزج جميع المقادير و نضيف الماء الكافي

يدلك العجين جيدا حتى يصبح رطبا و لينا

نعمل منه كويرات صغيرة

تمدد كل كويرة  بالمدلاك مع رش الدقيق عند الحاجة

(للامانة أنا سرحتهم غير بيدي بشوووية ديال الزيت حيت كنت زربانة :) )

المهم ملي تسرحيهم خاصهم يكونوا مورقين

و حطيهم فوق مقلة سخونة

و نااااقصة عليها البوطة

حسبي غير 3 ثواني لكل جهة

كتبقى بيضة و ما خاصهاش تتحمر

و حطيهم فشي بلاستيكة و غطيهم باش ما يبسوش

حتى تكملي الكمية كلها عاد تبداي تلوي كل وحدة على نفسها

على شكل قضيب .. و كتلصقي الجوانب 

بخليط الماء و الطحين

شحال ما كبرتي  قياس الكويرات كتحصلي على  دورات اكثر

ملي كتلويها على نفسها

و من بعد قطعيهم بالمقص  بشكل مائل

من الاحسن توجدي شي آنية تكون عميقة باش تقلي 

انا كنستعمل قدر عميق و ما كنستعملش المقلة إذا بغيت نقليهم

و حتى الشباكية كذلك

حيث كيطلعوا الكشاكش :)

المهم الزيت تكون غزيرة و سخونة

و ملي تحطي المورقات يطيبو 

نقصي البوطة باش يكيبوا مزيان

و ماتخليهمش يتحمروا بزاف 

ثم عمليهم فشبكة يتسقطروا من الزيت

ثم عسليهم فعسل يكون دافئ

و رشيهم بالزنجلان

و بالصحة و الراحة

مع خالص دعائكم

سعاد أم علي