كرات باللحم المفروم وو الارز والخضار من عند صالحة

 كرات باللحم المفروم 

 و الأرز والخضار

 من عند الأخت صالحة

السلام عليكم

بعد تأخير طويل ونفاذ صبر الأخوات

مضطرة اكشف عن سر الحشوة وماذا صنعت 

منها هههه.

الحشوة عملت بها كرات بالكفتة والرز والخضرة

وشابلور او كما يطلق عليها

nasi bolletje

لان العطرية الي استخدمتها هي nasi

خاصة بتحضير الأرز،

المقادير:

كفتة ، خضر مشكلة ( فلفل بألوانه ، جزر، بصل، بورو)

كلها مقطعة مربعات صغار ،

راس من الثوم ،أرز مسلوق مزيان حتى تلقايه تقريبا غادي يتعجن

لانه اذا تركناه قاصح ما نقدروش نعمله على شكل كرات صغيرة ،

وبطبيعة الحال عطرية nasi

بالنسبة لي ما عندوش يعوضه بتوابل مشكلة وأعشاب منسمة

وكاري وصلصة الصوجا ويزيد واحد راس من الثوم

لان عطرية nasi فيها كل هاد الشي لي ذكرته 

ولي حب يزيد راس الحانوت يزيده ،

شابلور انا هنا استخدمت نوعين

الاول عادي والثاني فيه نكهة التوابل

ولكن تقدرو تكتفو غير بالعادي .

الطريقة:

كتقلي الخضرة مزيان ومن بعد تزيدي عليها الكفتة

وتخلي كل شيء يطيب مزيان على نار مهيلة

حتى تلقاي الخضرة جد رطبة

ثم كتزيدي عليها عطرية nasi

او العطرية الي ذكرت من قبل

وتحركي وتخلطي كل شيء وفي الأخير كتزيدي الأرز

وخاص الأرز هو الي يكون اكثر

يعني الكمية ديال الرز تطغى على الكفتة والخضرة

وخلطي الحشوة مزيان

وخذي مقدار ملعقة اكل ودوري الحشوة في يدك

وديريها على شكل كرة صغيرة

وبعدها غطسي الكرة في خليط البيض

ثم شابلور عاود غطسيها مرة اخرى في البيض ثم شابلور

يعني مرتين لكل كرة

وبعد ما تكملي الكمية سخني الزيت مزيان

ونقصي على العافية منين ترمي فيها الكرات

رآهم يتقلاو دغيا وخاصك تنتبهي باش ما يتحرقوش

وحطيهم في ورق نشاف

ثم قدميهم بالصحة والراحة

مع خالص دعائكم

أختكم صالحة