السيكار او القنينطات معمرين بالدجاج و الشعرية الصينية..من الاخت صباح

السيكار او القنينطات معمرين بالدجاج و الشعرية الصينية 

من عند  الاخت صباح

هذه مشاركة من صديقة وفية لصفحة شهيوات سعاد

نشكرها جزيل الشكر

اليكم المقادير كما ارسلتها ضديقتنا

المقادير :

 انا هنا استعملت صدر دجاج مقطع مربعات صغار
 ممكن تستعملوا كفتة او سمك الموجود عندكم
 والحشوة التي تفضلون ،

 خضر متنوعة : فلفل بألوانه وبصل وجزر والبورو
 كلهم يتقطعو مربعات صغار،

 شعرية صينية كما هو معروف نطلقوها في ماء مغلي

 ونصفيوها ونقطعوها بالمقص ،

 توابل : فلفل اسود وملح وتحميرة وسكنجبير والكاري

وصلصة الصوجا ولي يحب الحار يزيده حتى هو

ورقة البسطيلة ، انا هنا استعملت ورقة خاصة بالسيجار

 ولكن تقدرو تعوضوها بورقة البسطيلة

الطريقة:

 في مقلاة نضع الزيت و  قطع الدجاج تقلى جيدا..

 بعد ما نلقاو الدجاج شرب الماء دياله
 نضيف الخضر  مرة وحدة

 ونقصو العافية ونخليو كل شيء يطيب على خاطره

 راه الخضرة كتطلق الماء من بعد ما نلقاو الخضرة طابت

 نديره التوابل وصلصة الصوجا والملح
 ونخليو كل شيء يكمل طيابه

 ومنين تلقاو ان الحشوة صافي طابت
 طفيو العافية وزيده الشعرية الصينية

وخليو الحشوة تبرد وتقطر من الزيت في شي شبكة

 وإلا لقيته ان الحشوة خاصها المذاق
 زيده الكاري والصوجا

 انا دائماً كنزيدهم واخا نكون طفيت العافية
حتى نلقا المذاق لي عجبني

نبدأ نعمر السيجار وانا حاولت نشرح بالصور الطريقة
 ونتمنى نكون قدرت نتوفق

انا كندير دائماً كميات كتيرة وكنديرهم في المجمد

ومنين نبغي نقليهم كنزولهم شي ربع ساعة قبل

 ونسخن الزيت مزيان ونرميهم في الزيت الغزير

 ونقص لهم شوية العافية باش يتقلاو مزيان

 راه الا خليتوهوم حتى يذوبو وتقليوهم كيتحلو في الزيت ،

 ملاحظة: انا دائماً كنلصق العجينة باستعمال دقيق

 مع شوية الماء كيلصقو حسن

نتمنى الوصفة تعجبكم .

مع خالص دعائكم

صالحة