jeudi 22 mai 2014

الروز بالقمرون من عند الأخت صالحة


 الروز بالقمرون

 من عند الأخت صالحة



طيق الأرز بالقمرون أو الروبيان
 من عند صديقة صفحة شهيوات سعاد
و كيف ديما كتشاركنا بأطباق مميزة 

 السلام عليكم . كيف ما وعدت الأخوات

 انا كتبت هنا الطريقة والمقادير   

 ديال الروز بالقمرون راه ماكاين ما سهل منه .

 غادي نحتاجه  المقادير الاتية:

 500 g قمرون منقي ومغسول ، 2زلايف ديال الروز مسلوق،

2 ديال ضروس ثوم محكوك او مدقوق لي حبيتي ،

2 مكعبات ديال كنور بنكهة السمك ,

 شوية ابزار وملح الا كان الأرز

مسوس ، ملعقة اكل زبدة ،

ملعقة أكل مملوءة معدنوس وبطبيعة الحال زيت ،

3 فلفل واحدة حمراء والثانية خضراء والثالثة صفراء

مقطعة مكعبات صغيرة ، 

 بصلة متوسطة مقطعة بنفس الشكل .


 الطريقة:

 نديره البصلة والفلفل نضيف  الزيت والزبدة والثوم ونخليه يتقلى 

من بعد زيدي الابزار وكنور وحركي


 ويخلي كل شي يطيب منين تشوفي

 الخضرة طابت زيدي القمرون وخليه 

لبعض الوقت يطيب مع الخضرة


وفي الأخير زيدي الروز وخلطي مزيان

 باش يشرب الروز المرقة

 وخلي كل شيء يطيب تقريبا ربع ساعة 


 وفي الأخير قبل ما تطفي العافية

 زيدي المعدنوس وخلطي كل شي ،




 ملاحظة

 منين تسلقي الروز ما تخليهش يطيب بزاف باش منين 

تخلطيه ويكمل طيابه مع الخضرة ما يتعلكش ويتعجن

 وفي الأخير قدميه لاحبابك بصحة والراحة.
اعلان 1
اعلان 2

0 commentaires :

Enregistrer un commentaire

arabybuy.com