كيكة بدانيت و كريمة بالكوك المحمر

كيكة بدانيت و كريمة بالكوك المحمر

موقع الطبخ المغربي الاول "موقع لالة سناء" يقدم لك سيدتي كيكة بدانيت و كريمة بالكوك المحمر من مطبخ امة الله..

اقسام الموضوع :

- مكونات و طريقة عمل كيكة بدانيت و كريمة بالكوك المحمر

- مكونات و طريقة عمل كريمة بالكوك

- مكونات و طريقة عمل كلاصاج 

مقادير كيكة بدانيت و كريمة بالكوك المحمر : (العبار بكاس دانون دانيت ديال 90غ)

- 5 بيضات 

- كاس دانيت بالكراميل

- 3 كيسان سنيدة 

- 3/4 كاس زيت

- كاس كوك محمر ومطحون

- 4 معالق كبار قهوة معصرة

- 3 كيسان طحين 

- 3 خمارات

طربي البيض مع سنيدة وقريصة الملح كما في الصورة

نقصي من سرعة الخلاط و زيدي الزيت و القهوة و دانيت والكوك 

زيدي الطحين مغربل مع الخميرة و حركي بسباتيل

دخلي طيبيها بحال أي كيكة عادية و خليها تبرد

مقادير كريمة بالكوك :

- 1/4 لتر حليب 

- 3 معالق كبار سنيدة 

- 3 معالق كبار كريم باتسيير

- 80غ شكلاط 

- معلقة كبيرة الزبدة

- 5 معالق كبار كوك محمر 

عملي الشكلاط مع الزبدة يدوب 

وفوق نار مهيلة عملي الحليب مع غبرة الكريم باتسيير و سنيدة وحركي حتا يعقاد 

ملي يعقاد زيدي الشكلاط المدوب ثم الكوك المحمر

قسمي الكيكة على جوج و سرحي الكريمة وغطيها بالطبقة الثانية ديال الكيكة وحتا جناب الكيكة 

كلاصاج :

- دانيت بالكراميل 

- 100 غ شكلاط ابيض

في بان ماري كتسخني دانيت و تزيدي الشكلاط حتا يدوب و سرحي فوق الكيكة 

وكتعملي نقيطات كبار بكلاصاج اسود (انا كندوب الشكلاط مع شوية الحليب)

و كتعملي خطوط عشوائية وتحصلي على شكل رخامي

وفي جناب خديت كمية من الكوك و نفس الكمية من الكوك المحمر خلطتهم 

و زوقت بيه جناب

و بالصحة و الراحة كيكة بدانيت و كريمة بالكوك المحمر نتمنى تعجبكم و تخليو ليا تعليق على الموضوع